कांग्रेसको नेतृत्व परिवर्तन आवश्यक छ : महामन्त्री कोइराला 

प्रताप रानामगर

दमौली — नेपाली कांग्रेसका महामन्त्री शशांक कोइरालाले पार्टी नेतृत्व परिर्वन गर्न आवश्यक रहेको बताएका छन । कांग्रेस तनहुँद्वारा दमौलीमा बुधबार आयोजित कार्यकर्ता भेटघाट कार्यक्रमलाई सम्बोधन गर्दै नेता कोइरालाले कांग्रेसलाई बलियो बनाउन अहिलेको नेतृत्व परिवर्तन गर्न आवश्यक रहेको औँल्याए ।

‘कांग्रेस नेतृत्व परिर्वतन आवश्यक छ,’ उनले भने,‘अब पनि नेतृत्व परिवर्तन गरिएन भने कांग्रेस बलियो हुँदैन । मैले पार्टी सभापति शेरबहादुर देउवाको विरोध गरेको होइन । नेतृत्व तयार हुनुपर्छ भन्नेमा म आफैँ पनि छु । ’


उनले योग्य र क्षमतावानलाई नेतृत्वमा पुर्‍याउन कार्यकर्ताहरुलाई आग्रह गरे ।


पार्टी महाधिवेशनमा गुटउपगुट गरेपनि अरु समयमा गुटको अन्त्य गर्न जुरुरी रहेको महामन्त्री कोइरालाको भनाई थियो । उनले पार्टी एक भए नेपाली कांग्रेसलाई कुनैपनि शक्तिले हराउन नसक्ने ठोकुवा गरे ।


‘कांग्रेस हराउने कांग्रेस नै हो । त्यसैले पार्टीलाई एक ढिक्का बनाएर लैजाने नेतृत्वको खाँचो छ ।’ शशांकले भने ।

प्रकाशित : श्रावण २२, २०७६ १६:५६
ADVERTISEMENT
प्रतिक्रिया
पठाउनुहोस्
ADVERTISEMENT

पानीका स्रोत र मुहान संरक्षणमा सबैको सहयोग महत्वपूर्ण : मन्त्री मगर 

कान्तिपुर संवाददाता

काठमाडौँ — प्रतिनिधिसभाको बुधबारको बैठकले ‘खानेपानी तथा सरसफाइ विधेयक, २०७५ माथि विचार गरियोस्’ प्रस्ताव सर्वसम्मतले स्वीकृत गरेको छ । यसअघि खानेपानीमन्त्री बीना मगरले सो प्रस्ताव बैठकमा प्रस्तुत गरेकी थिइन् ।

तस्बिर : अंगद ढकाल/कान्तिपुर

प्रस्तावका सम्बन्धमा सांसदले उठाएका जिज्ञासाको जवाफ दिँदै मन्त्री मगरले जनताका मौलिक अधिकार कार्यान्वयन गर्न तीनै तहका सरकारको जिम्मेवारी भएको बताइन् । उनले सङ्घीय सरकार आफ्नो अधिकारअन्तर्गत रहेर जिम्मेवार पूरा गर्न दृढ रहेको उल्लेख गर्दै पानीका स्रोत र मुहान संरक्षणमा सबैको सहयोग र भूमिका उत्तिकै महत्वपूर्ण हुने धारणा व्यक्त गरिन् ।

मन्त्री मगरले मेलम्ची खानेपानी आयोजनामा सरकारले स्पीडमा काम गर्ने पनि बताइन् । सीएमसी कम्पनीका कारण केही समय काम अवरुद्ध भए पनि आयोजनामा रहेका समस्या केलाएर छिटो काम गरिने आश्वासन दिइन् । विगतका मन्त्रीले मेलम्चीप्रति उदासिनता देखाएको भन्दै आफूले त्यसलाई चिर्ने दाबी गरिन् ।

सीमएसी कम्पनी टाट पल्टिनुमा आफू र नेपाल सरकारको कुनै भूमिका नभएको भन्दै उनले उक्त कम्पनीले नेपाल बाहेकका देशहरुमा पनि आयोजना अलपत्र पार्ने गरेको उल्लेख गरिन् ।

बैठकमा ‘सेफगार्ड, एन्टी–डम्पिङ तथा काउण्टरभेलिङ विधेयक, २०७५’ र ‘औद्योगिक व्यवसाय विकास प्रतिष्ठान (पहिलो संशोधन) विधेयक,२०७६’ पारित गरियोस् भन्ने प्रस्ताव उद्योग, वाणिज्य तथा आपूर्तिमन्त्री मातृकाप्रसाद यादव राखेका थिए । उक्त विषय सभामुख कृष्णबहादुर महराले कार्यसूचीबाट हटाइएको जानकारी दिए । प्रतिनिधिसभाको अर्को बैठक यही साउन २३ गते १ बजे बस्नेछ ।

प्रकाशित : श्रावण २२, २०७६ १६:५४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×