खसी बजारमा अनुगमन : ९ मध्ये ६ पसललाई जरिवाना
काठमाडौँ — मासुको मूल्य अस्वाभाविक रुपमा बढेपछि वाणिज्य, आपूर्ति तथा उपभोक्ता संरक्षण विभागले कलंकीस्थित खसी बजार अनुगमन गरेको छ । बिहीबार बिहान ९ वटा होलसेल खसी पसलमा गरेको अगुनगमनका क्रममा ६ वटा पसललाई ५ हजारका दरले जरिवाना गराएको छ ।
विभागका निरीक्षण अधिकृत दिपक पोखरेलको टोलीले अनुगमन गरेको हो । टोलीले खरीद बिक्री बिल जारी नगरेको, हचुवाका भरमा बिक्री गरिरहेकाे पाएकाे छ ।
व्यापारीहरुले बिल जारी नगरी जिउँदो खसीको ५६० देखि ६८० सम्ममा बिक्री गरिरहेको पाइएको छ । कलंकीस्थित खसी बजारमा ४३ वटा व्यवसायी छन् । यहाँबाट उपत्यकाको मागको ४० प्रतिशत मासु आपूर्ति हुँदै आएकाे छ ।
प्रतिक्रिया