गोरखाकाे खाेर्लाबेंसीको ओडारमा लुकाइराखेको अवस्थामा अवैध सुन बरामद

हरिराम उप्रेती

गोरखा — धार्चे गाउँपालिका–३ खोर्लाबेंसीबाट प्रहरीले अवैध सुन बरामद गरेको छ । प्रहरी स्रोतका अनुसार खोर्लाबेंसीको ओडार नजिक ढुंगाले च्यापेर राखेको अवस्थामा १६ किलो सुन बिहीबार बिहान बरामद भएको हो । प्रहरी स्रोतले १६ किलो सुन बरामद भएको बताए पनि आधिकारिक रुपमा सुनको परिमाणबारे केही पनि जानकारी दिएको छैन ।

२७ दिनदेखि सम्पर्कविहीन बनेका यारुवगरका धनकमल गुरुङले उक्त स्थानमा सुन लुकाएर राखेको आशंका गरिएको छ । गुरुङलाई बुधबार प्रहरीले पक्राउ गरेको थियो । ‘धनकमल पनि सँगै आएर सुन भएको स्थल देखाए,’ एक स्थानीयले भने, ‘अनि प्रहरीलाई पनि सजिलो भयो ।’


तिब्बतबाट सुन ल्याएको लुटेराले सुइँको पाएपछि धनकमल सुन लुकाएर सम्पर्कविहीन बनेका थिए । सुनसहित धनकमललाई प्रहरीले अहिले सदरमुकाम ल्याउँदै छ । धनकमल समातिएको एसपी ओम अधिकारीले पुष्टि गरे ।


‘सुनको बारेमा अहिलै केही भन्न सक्दिनँ । मान्छे आउँदै छन्, अनुसन्धानपछि मात्र यसबारे पुष्टि गर्छौं,’ अधिकारीले भने ।


प्रकाशित : श्रावण ९, २०७६ १३:१८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

प्रधानमन्त्रीको ट्वीटरबाट बेलायती प्रधानमन्त्री भन्दै गलत 'ह्याण्डल'मा बधाई !

गल्ती भएको पत्तो पाएको लगभग १० मिनेटमा ट्वीट डिलिट गरेर अर्को ट्वीट
कान्तिपुर संवाददाता

काठमाडौँ — प्रधानमन्त्री केपी शर्मा ओलीले बेलायतका नवनियुक्त प्रधामन्त्री बोरिस जोन्सनभन्दै अरु नै कसैको ट्वीटर 'ह्याण्डल'लाई मेन्सन गरेर बधाई दिएको केही समय पछि त्यसलाई डिलिट गरेर सही 'ह्याण्डल'लाई मेन्सन गरेर पुन: ट्वीट गरिएको छ।


केही समय अघि मात्रै प्रधानमन्त्री केपी शर्मा ओलीले प्रयोग गर्ने गरेको आफ्नो व्यक्तिगत ट्वीटर ह्याण्डल '@kpsharmaoli'बाट बेलायतका प्रधानमन्त्री भनेर सम्बोधन गर्दै '@borisjonson' ह्याण्डलमा मेन्सन गरेर ट्वीट गरिएको थियो । खासमा बेलायती प्रधानमन्त्री बोरिसको ट्वीटर ह्याण्डल '@borisjohnson' हो ।

सच्याइएको ट्वीट :

प्रधानमन्त्री ओलीले सुरुमा मेन्सन गरको ह्याण्डलबाट जम्मा ४ जनालाई फलो गरिएको छ भने ८ जनाले मात्रै फलो गरेका छन् । उता प्रधानमन्त्री जोन्सनको भेरिफाइड अकाउन्टलाई लगभग ७ लाख ५० हजार जनाले फलो गरेका छन् ।

प्रकाशित : श्रावण ९, २०७६ १२:३२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×