गोरखाकाे खाेर्लाबेंसीको ओडारमा लुकाइराखेको अवस्थामा अवैध सुन बरामद

२७ दिनदेखि सम्पर्कविहीन बनेका यारुवगरका धनकमल गुरुङले उक्त स्थानमा सुन लुकाएर राखेको आशंका गरिएको छ । गुरुङलाई बुधबार प्रहरीले पक्राउ गरेको थियो । ‘धनकमल पनि सँगै आएर सुन भएको स्थल देखाए,’ एक स्थानीयले भने, ‘अनि प्रहरीलाई पनि सजिलो भयो ।’

तिब्बतबाट सुन ल्याएको लुटेराले सुइँको पाएपछि धनकमल सुन लुकाएर सम्पर्कविहीन बनेका थिए । सुनसहित धनकमललाई प्रहरीले अहिले सदरमुकाम ल्याउँदै छ । धनकमल समातिएको एसपी ओम अधिकारीले पुष्टि गरे ।

‘सुनको बारेमा अहिलै केही भन्न सक्दिनँ । मान्छे आउँदै छन्, अनुसन्धानपछि मात्र यसबारे पुष्टि गर्छौं,’ अधिकारीले भने ।