मकवानपुरमा प्रहरी र गाँजा तस्करबीच गोली हानाहान, एक पक्राउ

सुवास विडारी

मकवानपुर — प्रहरी र गाँजा तस्करबीच शनिबार मध्यरातमा मकवानपुरको मनहरी गाउँपालिका–९ स्थित रजैया राप्तीखोलामा गोली हानाहान भएको छ । जिल्ला प्रहरी कार्यालय मकवानपुरका प्रहरी प्रमुख उपरीक्षक मुकेशकुमार सिंहका अनुसार राक्सिराङबाट पर्सा राष्ट्रिय निकुञ्ज निस्कने खोलाको भित्री बाटो हुँदै गाँजा ओसारपसार गर्ने गिरोह र प्रहरीबीच गोली हानाहान भएको हो ।

विशेष सूचनाको आधारमा उक्त स्थान पुगेको प्रहरीमाथि गोली प्रहार भएसँगै प्रहरीले जवाफी फायर गरेको थियो।घटनामा संलग्न मुख्य नाइके राक्सिराङ–१, ढुंगेनका ४३ वर्षीय कुमार स्याङ्तान भन्ने राजु स्याङ्तानलाई प्रहरीले पक्राउ गरेको छ । स्याङ्तानलाई खोँचमा घेरा हालेर नियन्त्रणमा लिइएकोप्रहरीले जनाएको छ। प्रहरीले उनको साथबाट कटुवा पेस्तोल एक थान, फायर भएको खोका एक थान, लाइभ राउण्ड एक थान, लागूऔषध गाँजा दुई पोकामा गरी ३१ केजी चारसय ग्राम समेत नियन्त्रणमा लिएको छ ।

‘गाँजा आोसारपसारमा संलग्न अन्य फायरिङ भएसँगै भाग्न सफल भएँ । तर, हामीले मकवानपुरको पश्चिमी क्षेत्रमा लागूऔषध कारोबार, आपराधिक क्रियाकलापहरुमा संलग्नलाई पत्राउ गर्न सफल भयौँ ।’, प्रहरी उपरीक्षक सिंहलेभने । उनका अनुसार पक्राउ परेको स्याङ्तान पूर्वपश्चिम राजमार्गमा विभिन्न समयमा सवारी र यात्रु लुट्ने कार्यमा समेत संलग्न रहेका थिए ।

प्रहरीको लागूऔषध नियन्त्रण ब्युरोले २०७१ साल पुस १६ गते स्याङ्तानलाई एकसय केजी गाँजासहित कीर्तिपुर नगरपालिका–१६ बाट पक्राउ गरी कारबाही समेत गरेको पाइएको छ ।प्रहरी उपरीक्षक सिंहले भने, ‘हामीले उनलाई धेरै समयदेखि खोजी गरिरहेका थियौँ । उनीमाथि हामीले तीनवटा मुद्दा दर्ता गराएका छौँ । अन्य विषयमा समेत अनुसन्धान अगाडि बढिरहेको छ ।’

स्याङ्तानलाई हातहतियार खरखजाना, ज्यान सम्बन्धी कसुर र लागूऔषध नियन्त्रण ऐनअन्तर्गत पटके कायम गरी थप सजायको माग गरी मुद्दा दर्ता गराइएको छ । मकवानपुरको पश्चिम क्षेत्रमा रहेको मनहरी, राक्सिारङ र कैलाश गाउँपालिका लागूऔषध उत्पादन र कारोबार हुने मुख्य थलो हो ।

जिल्ला प्रहरी कार्यालय मकवानपुरले आर्थिक वर्ष २०७५/०७६ मा लागूऔषधसहित जिल्लाभरबाट २ सय ५ जनालाई पक्राउ गरेको छ । जसमध्ये ३० जना भारतीय छन् । प्रहरीले एकवर्षको अवधिमा ३ हजार १ सय ८८ केजी गाँजा समेत नियन्त्रणमा लिएको थियो ।

प्रकाशित : श्रावण ५, २०७६ १५:३९
प्रतिक्रिया
पठाउनुहोस्

नेकपाले ६ महानगरसहित ७७ जिल्ला कमिटीका इन्चार्ज र सह-इन्चार्ज तोक्यो (नामावलीसहित)

कान्तिपुर संवाददाता

काठमाडौँ — सत्तारुढ नेकपाले ६ महानगरपालिकासहित सबै जिल्ला कमिटीका इन्चार्ज र सह-इन्चार्ज तोकेको छ । आइतबार प्रधानमन्त्री निवास बालुवाटारमा बसेको सचिवालय बैठकले ७७ वटै जिल्ला इन्चार्ज र सह-इन्चार्जहरुको टुंगो लगाएको प्रवक्ता नारायणकाजी श्रेष्ठले जानकारी दिए । बैठकले जिल्ला कमिटी सरह नै मान्यता प्राप्त ६ महानगरपालिकाका इन्चार्ज र सह-इन्चार्ज टुंगो लगाएको छ ।


आइतबारको बैठकले विभाग भने गठन गर्न सकेन। विभिन्न विभाग, आयोग र निकाय र प्रवास विभाग एकीकरणका टुंगो लगाउन मंगलबार दिउँसो १ बजे पार्टी केन्द्रीय कार्यालय धुम्बाराहीमा पुन: सचिवालय बैठक बोलाइएको उनले बताए।

यी हुन् नेकपामा७७ वटै जिल्लाका इन्चार्ज र सह-इन्चार्जहरु :
.........

सत्तारुढ नेपाल कम्युनिस्ट पार्टी (नेकपा) को सचिवालय बैठक बालुवाटारमा बसिरहेको छ। विभाग गठन, केन्द्रीय सदस्यहरुको कार्यविभाजन लगायत विषयमा छलफल गर्न भन्दै आइतबार अपराह्न नेकपा सचिवालय बैठक बसेको हो।

महत्वपूर्ण विभाग शीर्ष नेतालाई दिने समझदारी नेकपाभित्र बनिसकेको छ। संगठन विभागको प्रमुखमा वामदेव गौतम, विदेश विभागको जिम्मेवारी पूर्वप्रधानमन्त्रीसमेत रहेका माधवकुमार नेपालले पाउने लगभग पक्कापक्की भइसकेको नेताहरुले बताएका छन्। तर, आर्थिक विभाग, स्कुल र प्रचार विभागको भने टुंगिन बाँकी छ।

स्कुल विभागमा तत्कालीन एमालेका ईश्वर पोखरेल र माओवादी केन्द्रतर्फका नारायणकाजी श्रेष्ठको दाबी रहेको स्रोत बताउँछन्। आर्थिक विभागमा महासचिव विष्णु पौडेल आकांक्षी देखिएका छन् भने प्रचार विभागमा माओवादी पक्षले लिने समझदारी भएको छ। प्रचारमा नेतृ पम्फा भूसाल अघि सर्ने देखिएकी छन्।

नेकपाको ३२ विभाग रहनेछन्। पूर्वएमालेले १८ र पूर्वमाओवादीले १४ वटा विभाग लिने समझदारी भइसकेको छ।

यो पनि

प्रकाशित : श्रावण ५, २०७६ १५:३५
पूरा पढ्नुहोस्
प्रतिक्रिया
पठाउनुहोस्