७ वटै प्रदेशमा नगर विकास कोष गठन

विमल खतिवडा

काठमाडौँ — सरकारले प्रत्येक प्रदेशका नगरपालिका प्रमुख र उपप्रमुखमध्येबाट कम्तीमा तीन जना महिलासहित ७ जनालाई नगर विकास कोष सञ्चालक समितिको सदस्य पदमा मनोनयन गर्ने निर्णय गरेको छ ।

फाइल तस्बिर ।

सञ्चार तथा सूचना प्रविधिमन्त्री गोकुल बाँस्कोटाका अनुसार प्रदेश १ बाट दमक नगरपालिकाकी उपमेयर गीता अधिकारी, प्रदेश २ बाट वीरगञ्ज महानगरपालिकाका मेयर विजय सरावती, प्रदेश ३ बाट भरतपुर महानगरपालिकाकी मेयर रेनु दाहाल रहेका छन् ।

त्यस्तै, गण्डकी प्रदेशबाट पोखरा उपमहानगरपालिका मेयर मानबहादुर जिसी, प्रदेश ५ बाट बुटवल उपमहानगरपालिका मेयर शिवराज सुवेदी, कर्णाली प्रदेशबाट वीरेन्द्रनगर नगरपालिका उपमेयर मोहनमाया भण्डारी र सुदूरपश्चिम प्रदेशबाट गौरीगंगा नगरपालिकाका मेयर भीम देउवालाई मनोनयन गरिएको छ ।

प्रकाशित : श्रावण २, २०७६ १८:४३
प्रतिक्रिया
पठाउनुहोस्

मन्दिर निर्माणका लागि ५० लाख संकलन

नारायण खड्का

अस्ट्रेलिया — अस्ट्रेलियामा नेपालीहरुको आफ्नै मन्दिर निर्माण गर्ने उद्देश्यले गरिएको सप्ताह महायज्ञबाट ६० हजार डलर (करिब ५० लाख रुपैयाँ) संकलन भएको छ । नेपाली हिन्दु सोसाईटी अस्ट्रेलियाको आयोजनामा भएको महापुराणमा सहभागिता जनाउन नेपालका जगतगुरु डा. कृष्णदास जी महाराज समेत अस्ट्रेलिया आएका थिए ।

एक सातासम्म चलेको महायज्ञबाट करिब ५० लाख नेपाली रुपैयाँ संकलन भएको कोषाध्यक्ष प्रकाश ढोडारीले जानकारी दिए ।

१० हजार बढी हिन्दु धर्मावलम्बीहरुले सहभागिता जनाएको महापुराणबाट संकलित रकमले मन्दिर निर्माण अघि बढ्ने उनले विश्वास व्यक्त गरे । महापुराणमा नेपालबाट आएका कृष्णदास जी महाराजले योग साधना सिकाएका थिए भने कुबेर सुवेदीले पुराण वाचन गरेका थिए ।

अस्ट्रेलियाको हिन्दु सोसाईटीले सिड्नीस्थित रिचमण्डको केराजुङ्गमा दुई वर्षअघि पहिलेदेखि मन्दिर निर्माण पहल सुरु गरेको हो । दानमा प्राप्त ८ हजार वर्गमिटर जग्गामा मन्दिर निर्माण प्रक्रिया सुरु गरेको भए पनि आर्थिक अभावका कारण काम अघि बढ्न सकेको छैन । सोही प्रक्रियालाई अघि बढाउने प्रयासस्वरुप महापुराण आयोजना गरिएको थियो ।

नेपाल बाहिर दोस्रो पशुपतिनाथ निर्माण गर्ने उद्देश्यका साथ सुरु गरिएको मन्दिर पगोडा शैलीको हुने बताइएको छ । मन्दिरमा पशुपतिनाथ स्थापना गर्नुका साथै बौद्ध स्तुपासमेत बनाइने योजनाका साथ कार्य अघि बढाइएको छ । यसैगरी मन्दिरमा शिव पाञ्चायन मन्दिरसमेत अलग निर्माण हुने उनीहरुले बताएका छन् ।

‘यो हिन्दुहरुको मन्दिर मात्र नभएर सम्पूर्ण नेपालीहरुको परम्परा र संस्कृतिलाई अस्ट्रेलियामा स्थापित गर्ने उद्देश्यका साथ काम सुरु गरिएको हो’ सोसाईटीकी अध्यक्ष प्रञ्चना शर्माले कान्तिपुरसँग भनिन् ।

प्रकाशित : श्रावण २, २०७६ १८:०८
पूरा पढ्नुहोस्
प्रतिक्रिया
पठाउनुहोस्