जनजातीको बन्द स्थगित, जनप्रदर्शन जारी राखिने

देशैभरि भएको भीषण वर्षाले बाढीपहिरो, डुबानजस्ता विपत्ति आएकाले आन्दोलनको स्वरूप परिवर्तन गरी जनप्रदर्शन, धर्ना, विरोध जारी राख्ने महासंघले जनाएको छ ।

विज्ञापनविरुद्ध आदिवासी जनजाति, मधेसी, दलित, मुस्लिम, महिला, अपांगता भएका व्यक्ति र पिछडिएको क्षेत्रका व्यक्तिहरू विभिन्न संघ/संगठनमार्फत साझा ब्यानरमा आन्दोलनरत छन् ।

महासंघका अध्यक्ष जगतबहादुर बरामले विज्ञप्ति जारी गर्दै लोकसेवा आयोगको केन्द्रीय तथा आयोग मातहतका कार्यालय र जिल्ला तथा प्रदेशका प्रशासन कार्यालयहरू, स्थानीय तहका कार्यालयमा घेराउ र धर्ना दिने भनेका छन् ।

देशैभरि विरोध जुलुस प्रदर्शन, जनप्रदर्शन र विरोधसभा गर्नुका साथै आयोगको परीक्षा बिथोल्ने पनि महासंघले भनेको छ ।