आइतबार साँझ ७ बजेसम्म कुन राजमार्गको अवस्था कस्तो छ? हेर्नुहाेस् विस्तृतमा
काठमाडौँ — बाढी र पहिरोले देशभरका राजमार्गहरु अवरुद्ध बनेका छन् । राजधानी जोड्ने मुख्य राजमार्गका पुल भत्किएका छन् । पहिरोले सडक पुरेको छ । कतिपय ठाउँमा सडक नै बगाएको छ । यसका लागि प्रहरीले अवरुद्ध सडक खुलाउने प्रयास जारी राखेको छ । कतै यात्रा गर्नु पूर्व राजमार्गको अवस्था बुझेर मात्रै यात्रा गर्न प्रहरीले आग्रह गरेको छ । हेरौं कहाँको सडकको अवस्था कस्तो छ :
खुर्काेट–उदयपुर खण्डमा पहिराेका कारण सडब अवरुद्ध बनेकाे छ । महाेत्तरीकाे झप्सी खाेलामा पुल भत्किएर अवरुद्ध बनेकाे सडक डाइभर्सनबाट एकतर्फी सञ्चालनमा ल्याइएकाे छ ।
बीपी राजमार्ग अन्तरगत सिन्धुलीकाे गलनजाेर गाउँपालिका र सनुकाेशी गाउँपालिकामा अवरुद्ध सडक एकतर्फी सञ्चालनमा आएकाे छ । यसैगरी कुलेखानी मार्गकाे फाँखेल लगायतका स्थानमा पहिराेका कारण अवरुद्ध सडक ४ बजेदेखि एकतर्फी सञ्चालनमा आएकाे छ ।
प्रकाशित : असार २९, २०७६ १९:४८