पहिरोमा पुरिएर आमाछोरीको मृत्यु
विराटनगर — ओखलढुंगाको मोलुङमा पहिरोले पुरिएर आमाछोरीको मृत्यु भएको छ । मोलुङ गाउँपालिका ७ पात्लेका ४० वर्षीया खपुटी शेर्पा र उनकी १२ वर्षीया छोरी याङजी शेर्पाको पहिरोमा पुरिएर मृत्यु भएको प्रदेश १ प्रहरी कार्यालयले जनाएको छ ।
घरमास्तिरबाट खसेको पहिरोमा परी बेपत्ता भएका उनीहरु खोज्ने क्रममा मृत अवस्थामा भेटिएको प्रहरीले जनाएको छ ।
प्रकाशित : असार २८, २०७६ १७:५०