अविरल वर्षाले रौतहट डुबानमा

शिव पुरी

रौतहट — लगातारको वर्षाका कारण रौतहटको एक दर्जन बढी गाउँ डुबानमा परेको छ । चुरे क्षेत्रमाभारी वर्षाका कारण पछि पूर्वपश्चिम राजमार्गको लच्कामा पानी जमे पछि शुक्रबार बिहान देखी यातायात अवरुद्ध भएको छ । 

ठुला सवारीलाई समेत आवत जावतमा समस्या भएको छ । साना सबारीलाई प्रहरीले रोकेको छ । बिहान पश्चिम आउँदै गरेको जिप बगाउनबाट जोगीए पछि सानालाई रोकेको हो ।

चन्द्रपुर नगरपालीका २ स्थित लच्कामा पानी जमे पछि यातायात अवरुद्ध बनेको हो । बगाउने खतरा बढेपछि कार, जिप, मोटरसाइकल लगायतका साना सवारीलाई रोकेको ईलाका प्रहरीका डिएसपी कवित कटुवालले जनाए । अहिले ठुला सवारीलाई मात्र जान दिइएको छ । चन्द्रपुरकै चोक, बजार क्षेत्रका घरहरु डुबानमा पारेको छ । प्रहरीले स्काभेटर लगाएर पानी बाहिर पठाउने काम गरिरहेको छ ।

यता भारी वर्षाले जिल्लाको औरैया, बडहर्वा, बन्जरहा, बेलबिछवा, गढो ईशनाथ लगायतका गाउँ डुबानमा परेको छ । पानीको निकाश नहुदा गाउँबस्ती डुबानमा परेको हो । लालबकैया र बागमति नदिमा पानीको मात्रा बढे पछि स्थानिय प्रशसनले उच्चसतर्कता अपनाउन भनेको छ । दुवै नदिले वर्सेनी क्षति पुर्‍याउँदै आएको छ । चलमाहा, चादी, र झाझ खोलामा बाढी आए पछि किशानको उखु र धान बाली समेत डुबानमा परेको छ ।
सदरमुकाम डुबान
लगातारको वर्षाले सदरमुकाम गौरमा समेत पानीको सतह बढ्दै गएको छ । पूर्व वागमती र पश्चिम लालबकैया नदीले घेरिएको सदरमुकाम यतिखेर उच्च जोखिमा छ । गौर स्थित सरकारी कार्यालय वरिपरि समेत पानी जमेको छ । निरन्तर पानी परिरहेले ठूलो बाढी आउने खतरा देखिएको छ ।

प्रमुख जिल्ला अधिकारी किरण थापाले उच्चसतर्कता अपनाउन भनेको बताए । ‘जताततै डुबान छ । सदरमुकाम समेत डुबानमा पर्ने खतरामा छ,’ उनले भने, ‘यस्तो बेला सतर्कता अपनाउनु पर्छ ।’


उनले जिल्लाभरीका क्षतिको बिवरण संकलन गर्ने काम भईरहेको जनाए । उनले नेपाल प्रहरी, सशस्त्र प्रहरी र नेपाली सेना समेत तयारी अवस्थामा राखिएको बताए ।



प्रकाशित : असार २७, २०७६ ११:११
प्रतिक्रिया
पठाउनुहोस्

बाढीले मोरङमा २ सय ५० घर परिवार विस्थापित

विनु तिम्सिना

विराटनगर — लगातारको वर्षाका कारण आएको बाढीले मोरङमा २ सय ५० घर परिवार विस्थापित भएका छन् । विस्थापित हुने अधिकांश खोला किनारमा बसोबार गर्ने सुकुम्बासी छन् ।


विस्थापित परिवारलाई स्थानीय जनप्रतिनिधि र जिल्ला प्रशासन कार्यालय मोरङको सहयोगमा सुरक्षित स्थानमा राखिएको प्रमुख जिल्ला अधिकारी रमेशप्रसाद केसीले बताए।

केसीका अनुसार विराटनगर १ मा रहेको सिंघीया खोलाका कारण ५० घर परिवार, विराटनगर ८ हाटखोला दक्षिणी क्षेत्रमा १ सय घर, विराटनगर १६ दरैयाबस्तीमा ५० घर परिवार, जहदा ८, कटहरी गाउँपालिकाको ४ र ५ नम्बर वडामा ५०/५० घर परिवार विस्थापित भएका छन्। विस्थापितहरुलाई रेडक्रसको सहयोगमा १ सय बढी त्रिपाल वितरण गरिएको उनले जानकारी दिए।

यस्तै जिल्ला प्रहरी कार्यालय मोरङका अनुसार रंगेली/कानेपोखरी सडक खण्डको कानेपोखरी २ को गेउरिया खोलामा हिजोदेखि बेपत्ता भएका एक व्यक्ति अझै फेला परेका छैनन्।

अन्दाजी २५/३० वर्षका युवा खोला तर्ने क्रममा खोलाले मोटरसाइकल सहित बगाएको थियो। उनको पहिचान खुल्न नसकेको प्रहरीको भनाइ छ। यस्तै उर्लाबारीमा घाासको भारीसहित खोलाले बगाएकी एक महिलालाई प्रहरीले उद्धार गरेको छ।

प्रमुख जिल्ला अधिकारी केसीले सम्पूर्ण सुरक्षा निकाय र जनप्रतिनिधिलाई सचेत रहन निर्देशन गरिएको छ। प्रशासन कार्यालयले उद्धार, खोज तथा विपत्तीमा परेकाहरुलाई सुरक्षित स्थानमा लैजान तयारी अवस्थामा रहेको पनि जनाएको छ।

प्रकाशित : असार २७, २०७६ ११:०९
पूरा पढ्नुहोस्
प्रतिक्रिया
पठाउनुहोस्
थप केही समाचारबाट