काभ्रे जिल्ला अदालतद्वारा क्यानेडीयन नागरिक डालगिल्स बालयौन दुराचारी ठहर

जनकराज सापकोटा

काभ्रे — गरीब तथा विपन्न परिवारका बालबालिकालाई पढाइ दिने प्रलोभन देखाउँदै लामो समयदेखि बालयौन दुराचार गर्दै आएको ६३ वर्षीय क्यानडियन नागरिक पिटर जोन डालगिल्सलाई काभ्रे जिल्ला अदालतले कसुरदार ठहर गर्दै कैद तथा जरिवाना तोकेको छ ।

प्रतिकात्मक तस्बिर ।

मुद्दामा सोमबार अन्तिम सुनुवाई गर्दै अर्जुन अधिकारीको एकल इजलासले डालगिल्सको यौन दुराचार गरेको पुष्टी भएका दुई बालकलाई जनही ५ लाख क्षतिपूर्ति तथा केस २९५ (पीडितको नाम गोप्य राख्न प्रयोग गरिएको कोड)मा ९ वर्ष कैद तथा केस २९४ मा सात वर्ष कैद हुने आदेश गरेको हो ।


१५ महिना अघि काभ्रेको मन्डन, देउपुर नगरपालिका-१ मा करीब १४ रोपनी जग्गामा विलासी ‘भिल्ला’ बनाएर बालयौन दुराचार गरेको आरोपमा नेपाल प्रहरीको केन्द्रीय अनुसन्धान ब्यूरो (सीआईबी)ले डालगिल्सलाई २ बालकका साथमा पक्राउ गरेको थियो ।


डालगिल्सले स्ट्रिट किड्स इन्टरनेसनल नामक गैर सरकारी संस्था खोलेर बालबालिकाको हितमा काम गर्ने भन्दै यौन दुराचार गर्ने गरेको देखिएको थियो । उनी लाइबेरियामा विश्व स्वास्थ्य संगठनमा वरिष्ठ सहरी विकास सम्बन्धी सल्लाहकारको रुपमा काम गरेको, अफगानिस्तानमा यूएन हेविटयटमा राष्ट्रिय प्रतिनिधिमा रुपमा काम गरेको समेत अनुन्धानमा देखिएको थियो । त्यसका साथै डाफरमासमेत काम गरेको उल्लेख थियो ।


प्रकाशित : असार २३, २०७६ १८:२०
प्रतिक्रिया
पठाउनुहोस्

विधेयक नहुँदा प्रदेशसभा बैठक लामो समयसम्म स्थगित

प्रतीक्षा काफ्ले

(कास्की) — गण्डकी प्रदेशको प्रदेशसभाको बैठक लामो समयसम्म स्थगीत गरिएको छ । शनिबार बजेट पारित गरेसँगै सभा स्थगित गरिएको प्रदेशसभा सचिवालयले जनाएको छ ।

गण्डकी प्रदेशसभा बैठकमा सहभागी प्रदेशसभा सदस्य ।तस्बिर : लालप्रसाद/कान्तिपुर

संसदमा पेश गर्ने विधेयक नभएका कारण सभा नै स्थगित गर्नुपरेको प्रदेशसभा सचीवालयका सचीव हरिप्रसाद बास्तोलाले जानकारी दिए । उनका अनुसार सभा साउन ५ गतेसम्मलाई स्थगित भएको छ ।

‘विधेयक विद्यायन समितिमा छलफलको क्रममा नै छ,’ सचिव बास्तोलाले भने, ‘५ गतेसम्म माननीयहरु व्यस्त भएकाले पनि लामो समय पर धकेलिएको हो ।’

प्रदेश सभामा हालसम्म ३ वटा विधेयक मात्र दर्ता भएका छन् । सचिव बास्तोलका अनुसार दर्ता भएका विधेयकमध्ये सचीवालय सम्बन्धि, सवारी यातायात र प्रदेश लोकसेवा आयोगको रहेका छन् । विद्यायन समितिका सभापति मोहनप्रसाद रेग्मीले विधेयकप्रति बढी जिम्मेवारी बन्नुपरेको र सबै पक्षको हितमा हुने गरी छलफल गर्न लगिएकाले बैठकलाई लामो समय सारिएको बताए ।

उनका अनुसार विजनेस विधेयक तुरुन्त हुन सकेको छैन ।

शनिबारको प्रदेशसभा वैठकले बजेट पारित गरेसँगै सभामुखले निर्णयार्थ प्रस्तुत गरेका थिए । जसमा पक्षको बहुमत देखिएपछि बजेट पारित भएको घोषण गरिएको थियो । बजेटको बारेमा उठेका प्रश्नको जवाफ मुख्यमन्त्री पृथ्वीसुव्वा गुरुङ्ले दिएका थिए ।

अर्थमन्त्री करण गुरुङ्ले बैठकमा आर्थिक विधेयक कार्यान्वयन गर्न बनेको विद्येयकमाथी विचार गरियोस भन्ने प्रस्ताव राखेका थिए । लगत्तै बैठकले पारित गर्दै छलफलमा लगिएको थियो ।

सांसद दिपक कोइरालाले बजेट करको दायरा बढाउने गरी आएको बताएका थिए । कोइरालाले संविधानले दिएको अधिकार भरपुर प्रयोग भएको बताउँदै समावेशी रुपमा पहिलो/दोस्रो जनआन्दोलन, जनयुद्ध, मधेश आन्दोलनलगायतका मुद्दासमेत समेटिएको बताएका थिए ।

प्रकाशित : असार २३, २०७६ १७:४४
पूरा पढ्नुहोस्
प्रतिक्रिया
पठाउनुहोस्
×