सचिवहरुले गल्ती गर्दा सरकार विवादमा पर्‍यो : मन्त्री यादव

राजु चौधरी

काठमाडौँ — भारतबाट आयात गरिने तरकारीको विषादी परिक्षण गर्ने निर्णयबाट पछि हटेको सरकारका उद्योग तथा वाणिज्य मन्त्री मात्रिका यादवले सचिवहरुले गल्ती गर्दा सरकार विवादमा परेको दाबी गरेका छन् ।


सोमबार दिउँसो मन्त्रालयले आयोजना गरेको पत्रकार सम्मेलनमा बोल्दै मन्त्री यादवले सचिवहरुले आफूलाई गुमराहमा राख्द गलत निर्णय गर्न पुगेको बताएका छन् ।


'सचिवहरु माथि भरपर्दा सरकार विवादमा पर्‍यो,' उनले भने, 'मन्त्रीलाई गुमराहमा राख्न भएन । मन्त्रीसँग सबै फाइल हेर्ने समय हुँदैन ।'


उनले सचिवहरुले गुमराह राखेका कारण गलत निर्णय लिन पुगेको बताउँदै त्यसको जिम्मेवारी आफूले लिने बताए । उनले त्यसका लागि माफी समेत मागेका थिए ।


'हामीसँग केन्द्रमा एउटा मात्रै ल्याब रहेछ । त्यसले दिएको रिपोर्ट पनि भरपर्दो रहेनछ । सचिवहरुलाई यो कुरा थाह थियो,' उनले भने, 'थाह भएको कुरा त मन्त्रीलाई बताउनु पर्‍यो नि ।'


उनले प्रधानमन्त्री कार्यालयका सचिव, वाणिज्य सचिव तथा कृषि सचिवको गल्ती गरेको बताएका थिए ।


यस्तै पत्रकार सम्मेलनमा सहभागी उद्योग सचिव यमकुमारी खतिवडाले पनि सचिवहरुले गल्ती गरेको स्वीकार्दै यसमा सबैभन्दा धेरै जिम्मेवारी कृषि सचिवको रहेको बताएकी थिइन् । आफ्नो मन्त्रालयका वाणिज्य सचिवको बचाउ गर्दै उनले दोषको भारी कृषि र प्रधानमन्त्री कार्यालयका सचिवहरुको काँधमा हालेकी थिइन् ।


प्रकाशित : असार २३, २०७६ १५:२८
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बाढीले गलेश्वर बेलिब्रिज उच्च जोखिममा

घनश्याम खड्का

म्याग्दी — राहुघाट खोलामा बाढी आएपछि बेनी-जोमसोम-कोरला सडकको गलेश्वरस्थित बेलीब्रिज भत्कने जोखिममा छ । राहुघाट खोलामा बाढीको धार गलेश्वरपट्टी सोझिएर कटान थालेपछि बेलीब्रिज जोखिममा परेको हो ।

‘पुल निर्माण ढिलाईले बेलीब्रिज उच्च जोखिममा छ । कुनैपनि बेला बेनी-जोमसोम सडक अवरुद्ध हुने अवस्था छ,’ प्रमुख जिल्ला अधिकारी लिलाधर अधिकारीले भने, ‘आयोजना प्रमुखलाई तत्काल ब्रिज संरक्षणमा काम थाल्न निर्देशन गरेको छु ।’

बेनी-जोमसोम-कोरला सडक आयोजना अर्न्तगत रहुघाट नदीमाथी निर्माणाधिन पक्की पुलको फाउण्डेसन निर्माण ढिलाईहुँदा गलेश्वर बस्ती समेत बेलीब्रिज जोखिममा परेको हो ।

फाउण्डेसन राख्न पुरानो तटवन्ध भत्काएको र नयाँ नराखिएकोले आइतबार राति राहुघाट खोलामा आएको बाढीले कटान थालेको हो । पुलको ठेक्का लिएको शर्मा/युनाइटेड विल्डर्स जे/भी काठमाडौंले पुलको फाउण्डेसन निर्माणमा ढिलाई तथा लापरबाही गरेको छ ।

नदीमा हरेक दिन पानीको सतह बढेको छ । मनसुन सुरु भएकोले नदीमा पानीको सतह बढेपछि ठेकदारले फाउण्डेनका लागि खनेको खाडलमा जग समेत राख्न सकेको छैन । बेलीब्रिजले मुस्ताङ समेत बेनी–जोमसोम सडक वारिपारि रहेका रघुगंगा र अन्नपूर्ण गाउँपालिकालाई पनि जोड्छ ।

प्रकाशित : असार २३, २०७६ १४:३७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×