संसदमा सम्बोधन गर्न नपाएपछि प्रधानमन्त्रीले पत्रकार सम्मेलन गर्ने 

उनले बेलुकाको पत्रकार सम्मेलनमा आफ्नो युरोप भ्रमण र गुठी विधेयकलगायत समसामयिक विषयमा आफ्नो धारणा राख्ने बताइएको छ ।

प्रधानमन्त्री ओलीले प्रतिनिधिसभाको बैठकमा सम्बोधन गर्न नपाएकोमा दु:ख व्यक्त गरेका छन् । उनले ट्वीट गर्दै भने, 'समसायिक विषयहरूमा रहेको जनचासोका सन्दर्भमा सम्मानित सदनलाई आज जानकारी गराउन पाइन । यस घटनाबाट म दुःखी भएको छु ।'

प्रतिपक्षी नेकॉले
रोष्ट्रम घेरी अबरोध गरेका कारण
मैले हालैको युरोप भ्रमण र
गुठी बिधेयक लगायतका समसायिक बिषयहरूमा
रहेको जनचासोका सन्दर्भमा
सम्मानीत सदनलाई आज जानकारी गराउन पाईन।
यस घटनाबाट म दु:खी भएको छु।

— K P Sharma Oli (@kpsharmaoli) June 18, 2019

प्रतिनिसभाको आजको बैठक शुरु हुनासाथ सभामुख कृष्णबहादुर महराले प्रधानमन्त्रीलाई सम्बोधनका लागि समय दिएपछि प्रतिपक्षी कांग्रेसका सांसदले रोष्टम घेराउ गरेपछि बैठक स्थगन भएको थियो ।