पोखराको उत्तम चोकमा प्रहरीले लागुऔषध कारोबारीलाई समात्न गोली चलायो, एक घाइते, एक फरार

उत्तम चोकमा रहेको एक क्याफेमा लगभग १२:३० बजे ग१३प ८२२८ नम्बरको मोटरसाइलमा पुगेका कारोबारीलाई प्रहरी टोलीले नियन्त्रणमा लिन खोज्दा उनीहरुले प्रतिकार गरेपछि गोली चलाउनु परेको बताइएको छ । प्रहरीको गोली लागि पोखरा-१० का गोविन्द थापा घाइते भएका छन् । उनको खुट्टामा गोली लागेको छ । उनलाई हाल उपचारका लागि पोखरा स्वास्थ्य विज्ञान प्रतिष्ठान, रामघाट लगिएको छ ।

थापासँगै रहेका अर्को एकजना भने भाग्न सफल भएका छन् । प्रहरीले उनको खोजी भइरहेको बताएको छ । सो घटनामा एकजना प्रहरी पनि घाइते भएका छन् ।