नेपाल भ्रमण वर्षको सद्भावना दूतमा बाबा स्वामी नियुक्त

४० वर्षअघि मध्य नेपालको कुनै हिमाली भेगमा लामो समय योग साधना गरेर हाल विश्वका २३ वटा मुलुकमा समर्पण मेडिटेशन विधिबाट योगा सिकाउँदै आएका बाबा स्वामी भम्रण वर्ष २०२० कालागि नियुक्त गरिएका छैटौं दूत हुन् । उनीअघि भम्रण वर्ष सचिवालयका संयोजक सुरज वैद्यले विश्व विख्यात बडीबिल्डर रोली वीनक्लर, हङकङका सेफ ह्यान्ज एग्ली, जापानी लेखिका मारीको हायासी, क्याराभान फिल्मका निर्माता फ्रान्सेली नागरिक एरिक भ्याली र स्वीडेनका वातावरण अध्येता योहान अन्सट नेल्सनलाई दूतमा नियुक्त गरेको शनिबार सोल्टीमा आयोजित समारोहमा बताए । यी दूतहरुले नेपालको प्रचारमा सघाउने अपेक्षा गरिएको छ ।

अगामी वर्ष मनाइने भम्रण वर्षमा नेपालले २० लाख पर्यटक भित्र्याउने लक्ष्य रोखेको छ ।