घुस खान्न भन्ने, रंगेहात समातिने

कान्तिपुर संवाददाता

काठमाडौँ — ‘म भ्रष्टाचार गर्दिनँ, भ्रष्टाचार हुन दिन्न, म देश र जनताका लागि इमानदार भएर काम गर्ने प्रतिज्ञा गर्छु,’ सरकारले यो प्रतिबद्धतासाथ कर्मचारीलाई काममा खटाउने गरेको छ । शासकीय स्वच्छता अभियानअन्तर्गत यसरी प्रतिबद्धता व्यक्त गरेर काममा खटिने कर्मचारी दिनहुँजसो अख्तियार टोलीबाट रंगेहात पक्राउ पर्ने परेका छन् ।

ZenTravel

सरकारले सोमबार सार्वजनिक गरेको आर्थिक सर्वेक्षणको सुशासनसम्बन्धी विवरणमा कर्मचारीको शपथलाई महत्त्वका साथ प्रस्तुत गरेको छ । त्यसका बाबजुद तिनै कर्मचारी घूस खाएको आरोपमा समातिने क्रम रोकिएको छैन ।

Meroghar


अख्तियारको वार्षिक प्रतिवेदनअनुसार ९७ वटा घूसकाण्डमा १ सय ५४ जनाविरुद्ध र भ्रष्टाचार आरोपमा १ सय २७ जनामाथि मुद्दा दायर भइसकेको छ । ‘सुशासन नारामा सीमित भएको छ,’ प्रधानमन्त्री कार्यालयका एक सहसचिवले कान्तिपुरसँग भने, ‘विभिन्न प्रतिवेदन र सर्वेक्षणमा भ्रष्टाचार नियन्त्रण र सुशासनका विषय प्राथमिकतामा छन् भनेर लेखे पनि व्यवहारमा लागू भएको छैन ।’

सरकारले प्रदेशका मुख्यमन्त्रीसँग प्रत्यक्ष संवाद तथा राष्ट्रिय गौरवका आयोजनाको सघन अनुगमनका लागि प्रधानमन्त्री कार्यालयमा अत्याधुनिक उपकरणसहित ‘एक्सन रुम’ निर्माण अन्तिम चरणमा पुगेको जनाएको छ ।

हेलो सरकारलाई प्रभावकारी बनाउन भन्दै सरकारले ७७ वटै जिल्लामा पोर्टल र युजर आईडी तयार गरेर गुनासो संकलन र सम्बोधन गर्ने जनाएको छ । सर्वेक्षणमा भनिएको छ, ‘प्रत्येक मन्त्रालयले गरेको कामकारबाहीको प्रगतिको अनुगमन गर्न प्रधानमन्त्री तथा मन्त्रिपरिषद् कार्यालयमा अनुगमन सफ्टवेयर निर्माण गरी अनलाइनमार्फत अनुगमन गर्ने प्रणाली सुरु भएको छ ।’

विभिन्न सरकारी नीतिका बारेमा अनुसन्धान र सुझाव दिन सरकारले नीति अनुसन्धान प्रतिष्ठान गठन गर्ने योजना बनाएको छ । मालपोत, यातायात, नापी लगायतका जनसम्पर्क बढी हुने सरकारी कार्यालयमा अनलाइन प्रणालीमार्फत सेवा प्रवाह गर्ने योजना छ ।

प्रकाशित : जेष्ठ १३, २०७६ १९:१८
ADVERTISEMENT
प्रतिक्रिया
पठाउनुहोस्
ADVERTISEMENT

चन्द समूहका इन्चार्ज घलानलाई जेल

कान्तिपुर संवाददाता

हेटौंडा — चन्द समूहका मकवानपुर इन्चार्ज वीरबहादुर घलान जिल्ला अदालत मकवानपुरले माग गरेअनुसार धरौटी नबुझाएपछि जेल चलान भएका छन् । जिल्ला न्यायाधीश ध्रुवकुमार पियाको इजलासले सोमबार २५ हजार रुपैयाँ धरौटी लिई घलानलाई तारिखमा छाड्न आदेश दिएको थियो ।

अदालतको मागअनुसार धरौटी नराखेका कारण अदालतले उनलाई भीमफेदी जेल पठाएको हो। जिल्ला अदालत मकवानपुरमा वैशाख १५ गते १८ हजार रुपैयाँ धरौटी राखेर तारिखमा छुटेका घलानलाई प्रहरीले अदालतको मूल प्रवेशद्वारबाट बाहिरिने क्रममा कुटपिट, अंगभंग र अपराधी उपद्रव गरेको आरोपमा पक्राउ गरेर हिरासतमा राखेको थियो।

प्रहरीले घलानलाई चैत २८ गते हेटौंडा उपमहानगरपालिका-८ बाट पक्राउ गरेको थियो। उनलाई त्यतिबेला अदालतमा विस्फोटक पदार्थसम्बन्धी मुद्दा चलाइएको थियो। जिल्ला अदालतले उक्त मुद्दामा १८ हजार रुपैयाँ धरौटी लिएर तारिखमा छाड्ने आदेश दिएको थियो।

तत्काल धरौटी नराखेकाले उनलाई वैशाख २ गते क्षेत्रीय कारागार भीमफेदीमा पठाइएको थियो। वैशाख १५ गते धरौटी राखेर तारिखमा छुटदा प्रहरीले पक्राउ गरेर पुनः मुद्दा चलाएको थियो।

प्रकाशित : जेष्ठ १३, २०७६ १९:१५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×