कान्तिपुर वेबसाईट
AdvertisementAdvertisement

७ करोड ६७ लाख ९४ हजारको भारतीय नक्कली नोटसहित युनुस अन्सारी विमानस्थलबाट पक्राउ [अपडेट]

पाकिस्तानबाट नक्कली नोट बोकेर नेपाल आएका ३ जनालाई लिन विमानस्थल पुगेका थिए युनुस
जनकराज सापकोटा

काठमाडौँ — नेपाल प्रहरी र विमानस्थल भन्सारको स‌ंयुक्त टोलीले पाकिस्तानबाट कतारको दोहा हुँदै नेपाल आएका पाकिस्तानी नागरिक नसिर उद्दिनसहित अन्य ३ जनालाई ठूलो परिमाणको भारतीय नक्कली नोटसहित त्रिभुवन अन्तर्राष्ट्रिय विमानस्थलबाट पक्राउ गरेको छ । यस्तै उनीहरुलाई लिन विमानस्थल पुगेका युनुस अन्सारीसहित अन्य २ जनालाई पनि प्रहरीले नियन्त्रणमा लिएको छ । 

६७ वर्षीय नासिर उद्दिनसँगै नेपाल आएका ४९ वर्षीय मोहम्मद अफ्तर र ३९ वर्षीय नदिया अनवरलाई प्रहरीले विमानस्थल भित्रको भन्सार क्षेत्रबाट पक्राउ गरेको हो । उनीहरु कतारको दोहाबाट बिहान सवा ८ बजे नेपाल अवतरण गरेका थिए ।


युनुससँग रहेका सोहेल खान र गाडी चालक सुजन रानामगर पनि पक्राउ परेका हुन् ।


नक्कली भारतीय रुपैयाँसहित पक्राउ परेका ६७ वर्षीय नासिर उद्दिन ।


विमानस्थल भन्सारका प्रमुख गजेन्द्र ठाकुरले ठूलो परिमाणको भारतीय नक्कली नोटसहित केही व्यक्ति पक्राउ परेको र उनीहरुसँग दुईवटा सुटकेसमा रहेको नोट गन्ने कार्य भइरहेको पुष्टी गरे ।


नसिरुद्धिनको साथमा रहेको सुटकेसमा २ हजार दरको ७ करोड ६७ लाख ९४ हजार रुपैयाँको बण्डलहरु रहेको बताइएको छ ।


एउटा सुटकेसमा रहेको नोट गनेर अर्को सुटकेसमा रहेको नोट गन्ने कार्य भइरहेको प्रहरी स्रोतले बताएको छ ।


भारतमा नोटबन्दी भएपछि २ हजार दरका नक्कली नोट यति ठूलो परिमाणमा फेला परेको यो पहिलो घटना हो ।

प्रकाशित : जेष्ठ १०, २०७६ १३:१८
प्रतिक्रिया
पठाउनुहोस्

चन्द समूहको बन्दले भोजपुर प्रभावित 

एलिसा श्रेष्ठ

भोजपुर — नेक्रवित्रम चन्द समूहले शुक्रबार भोजपुर बन्दको आव्हान गरेपछि जनजीवन प्रभाभित भएको छ । प्रहरीसँगको गोली हानाहान पछि घाइते भएका चन्द समूहका कार्यकर्ताको मृत्यु भएको विरोधमा शुक्रबार भोजपुर बन्द गरेको हो । 

बन्दका कारण यातायातका साधन सञ्चालन हुन सकेका छैनन् । सदरमुकामका शैक्षिक संस्था र पसल समेत बन्द छन् ।

सञ्चालनमा रहेका सवारीसाधनलाई सुरक्षा प्रदान गरिएको जिल्ला प्रहरी कार्यालय भोजपुरका प्रमुख केशव थेवेले बताए । अचानक बन्द गरिएका कारण सर्वसाधारण अलमलमा परेका थिए । बिहान यातायात सञ्चालन नभएपछि मात्र बन्द भएको जानकारीमा आएको थियो ।

गत मंगलबार दिउँसो भोजपुर र खोटाङ्गको सिमानामा पर्ने टेम्केमैयुङ गाउँपालिका–१ स्थित भिडन्त भएको थियो । प्रहरीको गोली प्रहारबाट षडानन्द नगरपालिका–२ कुदाककाउलेका चन्द समूहका कार्यकर्ता तीर्थराज घिमिरे गम्भीर घाइते भएका थिए ।

खुट्टामा गोली लागेका उनलाई थप उपचारको लागि धरानस्थित बिपी कोइराला स्वास्थ्य विज्ञान प्रतिष्ठान लगिएकोमा उपचारका क्रममा मृत्यु भएको थियो । चन्द समूहले भने उनलाई नियन्त्रणमा लिएर हत्या गरिएको दाबी गरेको छ ।

प्रकाशित : जेष्ठ १०, २०७६ ११:५६
पूरा पढ्नुहोस्
प्रतिक्रिया
पठाउनुहोस्
×