फेवातालको संरचना हटाउन अल्टिमेटम

कान्तिपुर संवाददाता

लेखनाथ — फेवातालको ६५ मिटर मापदण्डभित्र बनेका स्थायी तथा अस्थायी संरचना हटाउन पोखरा महानगरपालिकाले बिहीबार सूचना जारी गरेको छ । महानगरले १५ दिनभित्र संरचना हटाउन अल्टिमेटम दिएको हो । अटेर गरी त्यस्ता संरचना नहटाएमा महानगरले हटाउने र उक्त खर्च सम्बन्धित व्यक्तिबाट नै असुर उपर गर्ने महानगरले जनाएको छ । 

महानगरका सूचना अधिकारी गंगालाल सुवेदीले ड्यामसाइडदेखि गैह्राको चौतारा खपौंदीसम्मको संरचना हटाइने बताए । उनले भने, 'फेवाताल वरपर के कति संरचना छन् भने एकिन गरी पठाउन सम्बन्धित वडालाई पत्राचार भइसकेको छ ।'

प्रकाशित : जेष्ठ ९, २०७६ २२:०३
प्रतिक्रिया
पठाउनुहोस्

चार विदेशीका शव काठमाडौंमा 

कान्तिपुर संवाददाता

काठमाडौँ — 'पहिलोपटक' थालिएको सगरमाथा सफाई अभियानले चारवटा विदेशी आरोहीका शव विहीबार हेलिकप्टरबाट काठमाडौं ल्याएको छ । मनाङ एयरको हेलिकप्टरले ती शव सगरमाथा आधार शिविरबाट लुक्ला र त्यहाँबाट सोझै शिक्षण अस्पताल महाराजगंजमा ल्याएको हो । 

मे २९ मा पर्ने १२ औं अन्तर्राष्ट्रिय सगरमाथा दिवसलाई छेको पारेर खुम्बु पासाङल्हामु गाउँपालिका, पर्यटन विभाग, नेपाली सेनालगायत आठ वटा निकायले यसपटक ५ हजार ३ सय ८० मिटरमा रहेको सगरमाथा आधार शिविरदेखि ७ हजार ९ सय मिटर उचाईमा रहेको साउथकोलसम्म सफाई गरेको थियो । त्यसक्रममा १२ हजार किलो फोहोर र ४ वटा शव संकलन गरेको सगरमाथा प्रदूषण नियन्त्रण समितिका अधिकृत निशान श्रेष्ठले बताए । यी शवमध्ये एउटा रसीयन नागरिकको भएको अन्य बाकी तीन शव पहिचान हुन सकेका छैनन् । पोष्टमार्टमपछि मात्रै यी शवको पहिचान गरेर आफन्तजनलाई हस्तान्तरण गरिने छ । यसपटकको सफाई अभियानका लागि मात्रै २ करोड ३२ लाख रुपैयाँ बजेट विनियोजन गरिएको थियो । अभियान वैशाख १ गतेदेखि लुक्लाबाट सुरु भएको थियो ।

प्रकाशित : जेष्ठ ९, २०७६ २१:२८
पूरा पढ्नुहोस्
प्रतिक्रिया
पठाउनुहोस्