बेनिघाट रोराङ गाउँपालिकाका प्रमुख प्रशासकिय अधिकृतको मृत्यु 

धादिङ — बेनिघाट रोराङ गाउँपालिकाका प्रमुख प्रशासकिय अधिकृत हर्षबहादुर थापाको आकस्मिक मृत्यु भएको छ । छिमेकी जिल्ला गोर्खा घर भइ विगत २ वर्ष देखि नै बेनिघाटमा कार्यरत ५४ वर्षीय थापा बुधबार बिहान एक्कासी अस्वस्थ भएपछि उनलाई उपचारका लागि काठमाडौंको थापाथलीस्थित नर्भिक अस्पताल पुर्‍याइएको थियो ।

गाउँपालिका अध्यक्ष पित्तबहादुर डल्लाकोटीका अनुसार उनको उपचारको क्रममा निधन भएको हो ।

अध्यक्ष डल्लाकोटीका अनुसार उनी न्यून रक्तचापका बिरामी थिए । अस्पतालमा निधन भएको खबर सुनेर आफू लगायत स्थानीय तहका पदाधिकारीहरु काठमाडौ जाँदै गरेको उपाध्यक्ष देवीप्रसाद सिलवालले बताए ।

प्रकाशित : जेष्ठ ८, २०७६ १२:२४

प्रतिक्रिया

पठाउनुहोस्