कांग्रेसले गठन गर्‍यो छायाँ सरकार 

कुलचन्द्र न्यौपाने

काठमाडौँ — कांग्रेसले सरकारको काम कारबाहीको निगरानी बढाउन छायाँ सरकार गठन गरेको छ । कांग्रेस सभापति समेत रहेका संसदीय दलका नेता शेरबहादुर देउवाले सोमबार छायाँ सरकार गठन गरेका हुन् । 

धेरै अघिदेखि छायाँ सरकार गठन गर्ने निर्णय संसदीय दलले गरेको थियो। शक्ति र आर्थिक रुपमा प्रभावकारी मानिने मन्त्रालयमा बस्नेहरुको तीव्र होडका कारण छायाँ सरकार गठनमा ढिलाई भएको थियो।

कांग्रेस संसदीय दलका नेता बालकृष्ण खाँडले सरकारलाई स्वच्छाचारी हुन नदिने र संसदप्रति उत्तरदायी बनाउन प्रभावकारी प्रतिपक्षको भूमिका निर्वाहका लागि छायाँ सरकार गठन गरेको बताए। कांग्रेसले मन्त्रालयस्तरीय निगरानी बढाउनका लागि २१ मन्त्रालय मातहत रहनेगरी छायाँ गठन गरेको छ।

यस्तो त कांग्रेसको छायाँ सरकारः

गृह मन्त्रालय
दिलेन्द्रप्रसाद बडू (संयोजक)
रमेशजंग रायमाझी (सदस्य)
महेन्द्र कुमारी लिम्बू (सदस्य)

अर्थ मन्त्रालय
मिनेन्द्र रिजाल (संयोजक)
मीना पाण्डे (सदस्य)
विनोद कुमार चौधरी (सदस्य)

उर्जा, जलस्रोत तथा सिंचाई मन्त्रालय
ज्ञानेन्द्रवहादुर कार्की (संयोजक)
सत्यनारयाण खनाल (सदस्य)
ज्ञानकुमारी छन्त्याल (सदस्य)

परराष्ट्र मन्त्रालय
नारायण खड्का (संयोजक)
अमेरश कुमार सिंह (सदस्य)
दिव्यमणी राजभण्डारी (सदस्य)


शहरी विकास मन्त्रालय
उमाकान्त चौधरी (संयोजक)
मीनाक्षी झा (सदस्य)
रामबहादुर विष्ट (सदस्य)

युवा तथा खेलकूद मन्त्रालय
किशोरसिंह राठौर (संयोजक)
रंगमति शाही (सदस्य)
दुर्गाप्रसाद उपाध्याय (सदस्य)

उद्योग, वाणिज्य तथा आपूर्ति मन्त्रालय
मीनबहादुर विश्वकर्मा (संयोजक)
विन्दादेवी आले राना (सदस्य)
कर्मा घले (सदस्य)

शिक्षा, विज्ञान तथा प्रविधि मन्त्रालय
गगन कुमार थापा (संयोजक)
उमेश श्रेष्ठ (सदस्य)
नमिता कुमारी चौधरी (सदस्य)

खानेपानी मन्त्रालय
सुजाता परियार (संयोजक)
मिना सुब्बा (सदस्य)
नागेन्द्र कुमार राय (सदस्य)

स्वास्थ्य तथा जनसंख्या
पार्वता डि.सी. चौधरी (संयोजक)
सीताराम महतो (सदस्य)
मोहन आचार्य (सदस्य)

संस्कृति, पर्यटन तथा नागरिक उड्डयन मन्त्रालय
देवेन्द्रराज कंडेल (संयोजक)
प्रकाश स्नेही रसाइली (सदस्य)
प्रमिला राई (सदस्य)

श्रम, रोजगार तथा सामाजिक सुरक्षा मन्त्रालय
डिला संग्रौला पन्त (संयोजक)
प्रकाश पन्थ (सदस्य)

सञ्चार तथा सूचना प्रविधि
बहादुरसिंह लामा (संयोजक)
सूर्यबहादुर केसी (सदस्य)
विमला नेपाली (सदस्य)

भूमि व्यवस्था, सहकारी तथा गरिबी निवारण
लक्ष्मी परियार (संयोजक)
प्रमोद कुमार यादव (सदस्य)
स्मृति नारायण चौधरी (सदस्य)

संघीय मामिला तथा सामान्य प्रशासन मन्त्रालय
अतहर कमाल मुसलमान (संयोजक)
तेजुलाल चौधरी (सदस्य)
धनकुमारी खतिवडा (सदस्य)

कृषि तथा पशुपंक्षी मन्त्रालय
पद्मनारायण चौधरी (संयोजक)
अनिता देवकोटा (सदस्य)
सरवत आरा खानम हलुवाइनी (सदस्य)

महिला, बालबालिका तथा ज्येष्ठ नागरिक मन्त्रालय
उमा रेग्मी (संयोजक)
लालकाजी गुरुङ (सदस्य)
हिरा गुरुङ्ग (सदस्य)

रक्षा मन्त्रालय
भिसेनदास प्रधान (संयोजक)
अभिषेक प्रताप शाह (सदस्य)

भौतिक पूर्वाधार तथा यातायात मन्त्रालय
सञ्जयकुमार गौतम (संयोजक)
जीप छिरिङ लामा (सदस्य)
देवप्रसाद तिमिल्सिना (सदस्य)

वन तथा वातावरण मन्त्रालय
राजेन्द्रकुमार के.सी (संयोजक)
मुक्ता कुमारी यादव (सदस्य)

कानून, न्याय तथा संसदीय मामिला मन्त्रालय
राधेश्याम अधिकारी (संयोजक)

प्रकाशित : जेष्ठ ६, २०७६ १६:२३
प्रतिक्रिया
पठाउनुहोस्

सेयर बजार  नौ अंकले घट्यो

रासस

काठमाडौँ — धितोपत्र बजारमा सोमबार पनि सेयरको मूल्य ओरालो लाग्ने क्रम जारी रह्यो । नेपाल स्टक एक्सचेञ्जका अनुसार कारोवार मापक नेप्से परिसूचक ९.१३ बिन्दुले घटेर एक हजार ३०७.७१ अंकमा झरेको छ । 

यस्तै ठूला कम्पनीको सेयर कारोवार मापन गर्ने सेन्सेटिभ परिसूचक ०.९९ बिन्दुले घटेर २७९.८० मा घटेको छ । स्टकका अनुसार कूल १७२ कम्पनीको ३३ लाख ९८ हजार ६८० कित्ता सेयर रु एक अर्ब २२ करोड पाँच लाख सात हजार ४८५ मूल्यमा खरीद बिक्री भए ।

कारोवार भएका कूल ११ उपसमूहमध्ये आज दुई उपसमूहको मात्रै सेयरमा वृद्धि भएको छ । जलविद्युत् १६.५९ र अन्य २.७६ बिन्दुले बढेको छ । त्यस्तै बैंकिङ ७.२७, होटल ४.५८, विकास बैंक २०.३५, वित्त १९.९६, निर्जीवन बीमा ११९.२५, उत्पादन ५२.६९, लघुवित्त १६.८२, जीवन बीमा ८५.४४ र सामूहिक लगानी कोष ०.१९ बिन्दुले घटेको छ ।

शिवम् सिमेन्टको सबैभन्दा बढी मूल्यमा कारोवार भई शीर्ष स्थानमा रहेको छ । सो कम्पनीको रु २५ करोड २१ लाख ६० हजार २९३ मा कारोवार भएको छ । यस्तै नेपाल बैंक लिमिटेड रु २३ करोड २१ लाख ९५ लाख ४९८, हिमालयन डिस्टिलरी रु आठ करोड २९ लाख ५६ लाख ७२१, बुटवल पावर कम्पनी रु चार करोड ४७ लाख सात हजार ५६७ मूल्यमा कारोवार भई शीर्ष स्थानमा रहे । स्टकका अनुसार आज कर्पोरेट डेभलपमेन्ट बैंक ९.९१, मल्टीपर्पोज फाइनान्स कम्पनी ९.७०, सिन्धु विकास बैंक ९.२९, वेस्ट फाइनान्स कम्पनी ९.२८, सपोर्ट माइक्रोफाइनान्स वित्तीय संस्थाका सेयरधनीले ९.०९ प्रतिशतले कमाएका छन् ।

यस्तै आज पाँचथर पावर कम्पनी ७.७६, मिथिला लघुवित्त वित्तीय संस्था ७.२५, शिवम् सिमेन्ट ५.४०, रिडी हाइड्रो पावर ५.०५, कन्काई विकास बैंकका सेयरधनीले ४.७६ प्रतिशतले गुमाएका छन् ।

प्रकाशित : जेष्ठ ६, २०७६ १६:२१
पूरा पढ्नुहोस्
प्रतिक्रिया
पठाउनुहोस्