नेपालमा 'पब्जी' खेल प्रतिबन्ध - समाचार - कान्तिपुर समाचार
कान्तिपुर वेबसाईट
AdvertisementAdvertisement

नेपालमा 'पब्जी' खेल प्रतिबन्ध 

विजय तिमल्सिना

काठमाडौँ — सरकारले पब्जी खेलमा प्रतिबन्ध लगाउने निर्णय गरेको छ । नेपाल प्रहरीको केन्दि्रय प्रहरी व्यूरोको अनुरोधमा नेपाल दूरसञ्चार प्राधिकरणले पब्जीमा प्रतिबन्ध लगाउने निर्णय गरेको छ । प्राधिकरणले बिहीबारै इन्टरनेट सेवा प्रदायकहरुलाई खेल बन्द गर्न निर्देशन दिएको छ ।

प्राधिकरणका प्रवक्ता मीनप्रसाद अर्यालले प्रहरीबाट आएको अनुरोधको आधारमा उक्त खेलमा प्रतिबन्ध लगाउन इन्टरनेट सेवा प्रदायकलाई निर्देशन दिइएको जानकारी दिए । सरकारको निर्देशन अनुसार सेवा प्रदायकहरुले आआफ्नो नेटवर्कमा पब्जी डाउनलोड गर्न र खेल्न नमिल्ने गरी बन्द गर्नेछन् ।


सञ्चार तथा सूचना प्रविधि मन्त्रालयको निर्देशनमा प्राधिकरणले यसअघि पोर्न साइटमा पनि प्रतिबन्ध लगाउन इन्टरनेट सेवा प्रदायकहरुलाई निर्देशन दिएको थियो । उक्त निर्देशनका कारण अहिले नेपालमा पोर्न साइटहरु प्रतिबन्धित छन् ।


केन्दि्रय प्रहरी अनुसन्धान व्यूरोले पब्जी खेलमा प्रतिबन्ध लगाउन काठमाडौं जिल्ला अदालतसमक्ष स्वीकृतिको लागि माग गरेको थियो ।

अदालतले मनोचिकित्कससँग परामर्श लिई खेल बन्द गर्न बुधबार स्वीकृति दिएको हो । सोही अदालतको स्वीकृति अनुसार व्यूरोले प्राधिकरणलाई खेल प्रतिबन्ध लगाउने गरी सेवा प्रदायकलाई निर्देशन दिन पत्र लेखेको थियो ।


यो पनि पढ्नुहोस्ः

‘पब्जी’ ले बढाउँदै मानसिक समस्या

प्रकाशित : चैत्र २८, २०७५ १५:५५
प्रतिक्रिया
पठाउनुहोस्

पुलिसलाई उपाधि

रमेशकुमार पौडेल

चितवन — रत्ननगर बैरियामा आयोजित प्रथम मेयर कप अन्तर्राष्ट्रिय आमन्त्रण पुरुष भलिबल प्रतियोगिताको उपाधि नेपाल पुलिस क्लबले जितेको छ । बिहीबार भएको फाइनल खेलमा पुलिसले नेपाली सेनाका भलिबल टोलीलाई १-३ को सेटमा पराजित गर्दै विजयी भएको हो । 

विजयी टिमले तीन लाख रुपैयाँ र उपविजेताले डेढ लाख रुपैयाँ सहित ट्रफी र मेडल प्राप्त गरे । पञ्चरत्न युवा क्लबले आयोजनामा गरेको उक्त प्रतियोगितामा भारत तमिलनाडुको साउदर्न रेल्बे, बंगलादेशको टिटास क्लबसहित सात भलिबल टिमले प्रतिस्पर्धा गरेका थिए ।

आइतबारबाट सुरु भएको प्रतियोगितामा आयोजक टिम, प्रदेश-३ को भलिबल टिम, सशस्त्र प्रहरीको एपिएफ र नेपाली सेनाको टिमले सहभागिता जनाएका थिए ।

प्रकाशित : चैत्र २८, २०७५ १५:३८
पूरा पढ्नुहोस्
प्रतिक्रिया
पठाउनुहोस्
×