स्युचाटारमा फेला परेको 'शंकास्पद वस्तु' सेनाद्वारा डिफ्युज
काठमाडौँ — नागार्जुन नगरपालिका-१०, स्युचाटारको कमलपोखरी भन्ने स्थानमा भेटिएको शंकास्पद वस्तुलाई सेनाको बम डिस्फोजल टोलीले केही बेर अघि निष्क्रिय पारेको छ ।
महानगरीर प्रहरी परिसर काठमाडौंका डीएसपी होबिन्द्र बोगटीका अनुसार बिहान १० बजे तिर स्थानीयवासीले तार र प्रेसर कुकर जस्तो वस्तु गाडेको अवस्थामा देखेपछि प्रहरीलाई खबर गरेका थिए ।
सूचना पाए लगत्तै सो स्थानमा पुगेको प्रहरीले प्रारम्भिक अनुशन्धान गरी सेनालाई खबर गरेको थियो । सेनाको स्रोतले डिफ्युज गरेको प्रेसर कुकर भित्र विस्फोटक पदार्थ रहेको जानकारी दिएको छ ।