कतारमा मृत्यु भएका दुई नेपालीका परिवारलाई सवा करोड क्षतिपूर्ति

नेपाली दूतावासका अनुसार कतार सरकारले म्याग्दीका पूर्णबहादुर सार्की र धनुषाका चिरन कापरका हकदारलाई २/२ लाख रियालको चेक मंगलबार दिएको हो । कतारले मृतकका हकदारलाई दोहामै बोलाएर चेक हस्तान्तरण गरेको थियो । प्रहरीले छानबिनका लागि उनीहरूलाई जेलमा राखेको थियो ।

२०१४ सेप्टेम्बर १४ को राति कोठाभिक्र मोबाइल चार्ज गर्ने त्रममा आगलागी हुँदा निसास्सिएर उनीहरूको मृत्यु भएको थियो । घटनामा दुई नेपालीसहित चार जनाको मृत्यु भएको थियो । तत्कालीन समयमा कतार सरकारले नेपाली दूतावासका कार्यवाहक राजदूतलाई बोलाई घटनाबारे दुःख व्यक्त गरेको थियो ।

क्षतिपूर्तका लागि आन्तरिक मन्त्रालयलले पूर्णबहादुरकी बुहारी शान्ति सार्की र चिरनकी श्रीमती काकुल्ती कापरलाई दोहा बोलाएको थियो । क्षतिपूर्ति नेपाली दूतावासको रोहवरमा दिइएको हो । दूतावासले क्षतिपूर्तिका लागि कतार सरकार र पीडित परिवारबीच समन्वय गरेको जनाएको छ ।