काठमाडौँ — पूर्वमुमा वडामहारानी रत्नराज्यलक्ष्मी देवी शाह अस्पताल भर्ना भएकी छन् । ९१ वर्षीया पूर्वमुमा वडामहारानीलाई एक सातादेखि रुघाखोकीलगायतका कारण मंगलबार साँझ नर्भिक इन्टरनेशनल हस्पिटलमा भर्ना गरिएको हो । उनमा पातलो दिसा र पिसाब कम हुने समस्यासमेत देखिएको छ ।
नर्भिक अस्पतालकाअनुसार पुर्व मुमा वडामहारानीको विस्तृत स्वास्थ्य जाँच सुरु गरिसकिएको छ । हाल उनलाई डा. खगेन्द्रबहादुर श्रेष्ठ, डा. मृगेन्द्रराज पाण्डे, डा. मधु घिमिरे र डा. ब्रजेन्द्र श्रीवास्तवको प्रत्यक्ष रेखदेखमा उपचार गराइरहेको छ ।