एनसेल गेटमा बम विस्फोट, ३ घाइते, विप्लव समूहले गराएको आशंका

एसएसपी धानुकका अनुसार शुक्रबार करिब साढे आठ बजे विस्फोट भएको हो । प्रहरीले नेत्रविक्रम चन्द नेतृत्वको नेकपाले चन्दा नदिएको भन्दै बम विस्फोट गराएको आशंका गरेको छ । 'विप्लव समूहले एनसेल प्रालिमा एक महिना अगाडि पत्र पठाएर चन्दा मागेको थियो, 'एसएसपी धानुकले भने 'त्यही पत्रबारे अस्ति ८ गते राजन तिमिल्सिना नेतृत्वमा ३ जना एनसेल कार्यालय पुगेका थिए । सुनुवाइ नभएपछि यो घटना गराइएको हुनसक्छ ।'

घटनास्थलमा सुरक्षाकर्मीले घेरा हालेर अनुसन्धान जारी राखेका छन् ।