राष्ट्रिय सभामा चिकित्सा शिक्षा विधेयकमाथि संशोधन प्रस्ताव

कांग्रेसका राधेश्याम अधिकारी, सरिता प्रसाईं, प्रकाश पन्त र बद्री पाण्डे र राजपाका बृशेषचन्द्रलाल कर्णले राष्ट्रियसभामा चिकित्सा शिक्षा विधेयकमाथि संशोधन प्रस्ताव दर्ता गरेका हुन् ।

यी चारैजनाले केसीको माग अनुसार प्रस्तावना, चिकित्सा शिक्षा सम्बन्धी राष्ट्रिय नीति तर्जुमा, उच्चस्तरीय कार्यदलको प्रतिवेदनको मर्म र भावनालाई समर्ट्नुपर्ने प्रस्ताव राखेका छन् ।

एउटा विश्वविद्यालयले ५ भन्दा बढी शिक्षण संस्थालाई सम्बन्धन दिन नसक्ने र उपत्यका बाहिरको हकमा आयोग नीति निर्माण गरी सम्बन्धन दिन सकिने भन्ने संशोधन प्रस्ताव उनीहरुले राखेका छन् । प्रतिनिधि सभाबाट पारित विधेयकमा भने उपत्यका भन्दा बाहिर आशयपत्र पाएर पूर्वाधार पुगेका शिक्षण संस्थालाई सम्बन्धन दिन सकिने प्रावधान राखेको छ ।

त्यस्तै सिटीइभिटीइले सञ्चालन गरेको प्रमाणपत्र तह भन्दा मुनिका स्वास्थ्या शिक्षा सम्बन्धी कुनै पनि प्राविधिक कार्यक्रमहरु ५ भित्र फेज आउट गर्नुपर्ने संशोधन राखेका छन् । प्रतिनिधिसभाले पारित गरेको विधेयकमा भने प्रमाण पत्र तह भन्दा तलकालाई फेज आउट गर्दै त्यसलाई स्तरोन्नती गर्न सकिने व्यवस्था गरिएको छ ।

राष्ट्रिय सभाको आज २ बजे बस्ने बैठकले यो विधेयकलाई पारित गर्ने कार्यसूची रहेको छ ।