चैतमा लगानी सम्मेलन गर्ने सरकारको निर्णय

टीकाराम तामाङ

काठमाडौँ — सरकारले आउँदो चैतको दोस्रो साता लगानी सम्मेलन गर्ने भएको छ। मन्त्रिपरिषद्को बैठकले चैत १५ र १६ गते ‘लगानी सम्मेलन–१९’ गर्ने निर्णय गरेको सञ्चार तथा सूचना प्रविधिमन्त्री गोकुल बास्कोटाले जानकारी दिए । 

मन्त्रिपरिषद्को पछिल्ला बैठकका निर्णय सार्वजनिक गर्न बिहीबार आयोजित पत्रकार सम्मेलनमा सरकारका प्रवक्तासमेत रहेको बास्कोटाले भूकम्पपछि आयोजना गरेको सम्मेलनभन्दा विल्कुलै फरक हुने स्पष्ट पारे।

उनले भने, ‘अहिले परिस्थिति फेरिएकोले लगानी सम्मेलन हो। त्यो पृथक् छ। प्रत्यक्ष वैदेशिक लगानी भित्र्याउने र नेपालको समृद्धि र सुखी नेपालीको चाहनालाई पूरा गर्न विदेशी राष्ट्र, संस्थालाई आग्रह गर्छौँ।’ उनले नेपालको समृद्धिको सपनालाई पूरा गर्न विभिन्न राष्ट्रहरूले सहयोग गर्ने विश्वाससमेत व्यक्त गरे।

सरकारको आयोजनामा २०७२ वैशाख १२ गतेको शक्तिशाली भूकम्पपछि पुनर्निर्माण र पीडितलाई राहत पुर्‍याउन दाता सम्मेलन भएको थियो।

उनले सम्मेलनमा नेपालले निर्धारण गरेको समृद्धि र सुखको अभियानमा आर्थिक योगदान गर्न चाहने संसारभरका विभिन्न कम्पनीहरूलाई आमन्त्रण गर्ने बताए।मन्त्री बास्कोटाले लगानी सम्मेलनको तयारीसमेत आरम्भ गरिसकेको जानकारी दिए ।

प्रकाशित : माघ ३, २०७५ १७:०४
ADVERTISEMENT
ADVERTISEMENT
प्रतिक्रिया
पठाउनुहोस्

चरित्रहत्याको आरोपमा अनलाइन सम्पादक पक्राउ

कान्तिपुर संवाददाता

काठमाडौँ — अनलाइनमार्फत चरित्र हत्या गर्ने किसिमको अश्लील समाचार सम्प्रेषण गरेको आरोपमा प्रहरीले क्यापिटल हेडलाईन डटकमका सम्पादक सुमन अधिकारीलाई पक्राउ गरेको छ । 

मिसु मिडिया प्रालीले सञ्चालनमा ल्याएको उक्त अनलाइनले विवेकशील नेपाली पार्टीकी रन्जु दर्शना (न्यौपाने) को चरित्रहत्या गरेको भन्दै महानगरीय प्रहरी अपराध महाशाखाले अधिकारीलाई पक्राउ गरेको हो ।

प्रहरीले उनीमाथि विद्युतीय अपराध तथा कसुर अन्तर्गत अनुसन्धान सुरु गरेको छ ।

प्रकाशित : माघ ३, २०७५ १७:०२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
×