१७.१२°C काठमाडौं
काठमाडौंमा वायुको गुणस्तर: १६३

अब देश विकासको तीव्र गतिमा अघि बढ्छ : प्रधानमन्त्री 

काठमाडौँ — प्रधानमन्त्री केपी शर्मा ओलीले सरकारको एक वर्ष कानुन निर्माण र अन्य तयारीमा बितेको उल्लेख गर्दै अब देश विकासको तीव्र गतिमा अघि बढ्ने बताएका छन् ।

अब देश विकासको तीव्र गतिमा अघि बढ्छ : प्रधानमन्त्री 

बिहीबार किर्तिपुर नगरपालिका चोभारमा सुख्खा बन्दरगाह शिलान्यास गर्दै प्रधानमन्त्री ओलीले भने,‘संविधान थियो कानुन थिएन । त्यसले गर्दा एकवर्ष हामीले कानुन बनाउने काममा बितायौँ । अब हामीले काम गर्ने वातावरण बनाएका छौँ । अब देश तीव्र गतिमा अघि बढ्छ । ’


कितिर्पुर नगरपालिकाको साबिक हिमाल सिमेन्ट कारखानाले चर्चेको चोभारस्थित ११ दशमवल ७७ हेक्टर जग्गामा करिब १ अर्ब ४८ करोड ३४ लाख रुपैंयाको लागतमा बन्दरगाह सम्पन्न हुने लक्ष्य लिइएको छ ।


बन्दरगाह शिलन्यास गर्दै प्रधानमन्त्री ओलीले अब काठमाडौ‌ंका लागि उपभोग्य वस्तुको अभाव नहुने बताए । दक्षिण र उत्तरबाट आउने रेलले ल्याउने सामानको भण्डारण कक्षको रूपमा बन्दरगाह उपयोग हुने प्रधानमन्त्री ओलीको भनाइ छ ।


उनले स्थानीयवासीका गुनासा र भनाइ सम्बन्धित निकायमा जानकारी गराउन आग्रह गर्दै सरकारले त्यसलाई सकारात्मक ढङ्गले लिने बताए । प्रधानमन्त्री ओलीले बन्दरगाह निर्माणले स्थानीवासीका लागि रोजगारीका धेरै अवसर सिर्जना हुने बताए । उनले निर्माण कर्ता कम्पनीलाई समयमै काम सक्न आग्रह गरेका छन्।


यो पनि पढ्नुहोस्ः

सुख्खा बन्दरगाहको विरोधमा चोभारमा प्रदर्शन

प्रकाशित : माघ ३, २०७५ १५:०२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?