पार्टी पंक्तिलाई उत्साहित ढंगले अघि बढाउन नेकपाको जोड

रासस

काठमाडौँ — नेपाल कम्युनिस्ट पार्टी (नेकपा) को स्थायी कमिटी तेस्रो बैठकमा नेताहरूले धारणा राख्ने क्रम शनिवार पनि जारी रह्यो । पार्टी केन्द्रीय कार्यालय धूम्रवाराहीमा बसेको बैठकमा राजनीतिक प्रतिवेदनमाथिको छलफलमा हालसम्म ४६ स्थायी कमिटी सदस्यले विचार राखेका छन् । 

शनिवारको बैठकमा नेता माधवकुमार नेपाल, झलनाथ खनाल, विष्णु पौडेल, रामबहादुर थापा र गिरिराजमणि पोखरेलले धारणा राखेको नेकपाका प्रवक्ता नारायणकाजी श्रेष्ठले जानकारी दिए ।

उनका अनुसार नेता प्रदीप ज्ञवाली अमेरिका भ्रमणपछि आज मात्रै आएकाले आइतबारको बैठकमा धारणा राख्नेछन् । बैठकमा परराष्ट्रमन्त्री ज्ञवालीले हालै अमेरिकी विदेशमन्त्रीको निमन्त्रणामा गरेको अमेरिका भ्रमण र दुई पक्षीय वार्ताको बारेका जानकारी गराएका थिए । परराष्ट्रमन्त्रीको भ्रमण र वार्ता अत्यन्त सकारात्मक र फलदायी भएको बैठकलाई जानकारी दिएको प्रवक्ता श्रेष्ठले उल्लेख गरे ।

यता वरिष्ठ नेता झलनाथ खनालले बैठकमा नेताले बोल्ने क्रम समाप्त भएकाले प्रतिवेदनउपर अध्यक्षद्वयले आफ्नो धारणा राखेपछि प्रतिवेदनको टुंगो लगाइने बताए ।

गत मङ्सिर २९ देखि भएको बैठकमा पार्टी अध्यक्षद्वय केपी शर्मा ओली र पुष्पकमल दाहालले प्रस्तुत गरेको राजनीतिक प्रतिवेदनमाथिको छलफल चलिरहेको हो । प्रतिवेदनमा सरकारका उपलब्धि, पार्टीका काम, सचिवालयबाट अहिलेसम्म भए गरेका कार्य तथा निर्णयका साथै जिल्ला तथा जनसंगठनको एकता लगायत विषय समावेश छन् ।

प्रतिवेदनउपर छलफल चलिरहँदा नेताबाट प्राप्त सकारात्मक सुझावलाई सम्बोधन गरेर समृद्ध बनाउँदै भए गरेका कामको सबल र कमीकमजोरीका पक्षलाई केलाएर आम पार्टी पंक्ति र कार्यकर्तालाई उत्साहित ढङ्गले बाँकी कार्यभार पूरा गरेर अघि बढ्ने बैठकले निष्कर्ष निकाल्ने नेता विश्वकर्माले उल्लेख गरे ।

बैठकले शुक्रवार अपरान्ह शैक्षिक अवलोकन गरेर फर्कने क्रममा दाङको राम्री भन्ने स्थानमा बस दुर्घटनामा परी दुःखद् निधन हुनेप्रति भावपूर्ण श्रद्धाञ्जली अर्पण गर्दै शोकाकुल परिवार जनमा गहिरो समवेदना प्रकट गरेको छ ।

घाइतेहरूको प्रभावकारी उपचारका लागि आवश्यक प्रबन्ध गर्न सरकारको ध्यानाकर्षण गर्दै शीघ्र स्वास्थ्यलाभको कामना गरेको विज्ञप्तिमा जनाइएको छ । स्थायी कमिटीको अर्को बैठक आइतबार बिहान ८ बजे पुनः बस्ने नेकपाले जनाएको छ ।

प्रकाशित : पुस ७, २०७५ १४:४५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

धर्म प्रचारमा बालबालिका प्रयोग

रासस

काभ्रेपलाञ्चोक — काभ्रेपलाञ्चोकमा पछिल्लो समय धर्म प्रचारमा बालबालिकाको प्रयोग बढ्दै गएको पाइएको छ । विद्यालय उमेरका बालबालिकालाई बनेपा नगरपालिका–८ स्थित बेतानी चर्चले क्रिश्चियन धर्मको प्रचारमा प्रयोग गरेको हो । 

आधा दर्जन बालबालिका शनिवार बिहान बजारका पसल तथा बाटो हिँडिरहेका व्यक्तिलाई क्रिश्चियन धर्मसम्बन्धी प्रचारका विभिन्न पुस्तक बाँड्दै हिँडेका देखिन्थे । १० देखि १३ वर्षसम्मका बालबालिका हातमा दर्जनौँ पुस्तक लिएर हिँडिरहेको अवस्थामा भेटिएका हुन् ।
बनेपा जनागालका मुक्ति विष्टले पछिल्लो समय बालबालिकालाई यसरी प्रयोग गर्नेको सङ्ख्या बढ्दै गइरहेको बताउँछन् ,“ल हेनुहोस्, अंकल यो किताब पढ्नुस् है भन्दै साना साना बालकले क्रिश्चियन धर्मसम्बन्धी पुस्तक दिएर गए” उनले भने । केही नबुझ्ने बालबालिकालाई किन प्रचारमा पठाइएको होलान् उनको प्रश्न थियो ।

आफूलाई युसुफ बताउने पुस्तक बाँडिरहेका १२ वर्षका बालकले “चर्चको अंकलले बजारका पसल र बाटोमा हिँड्ने मान्छेलाई पुस्तक दिनु” भनेर पठाएको बताए । उनीसँगै पनौती र काठमाडौँ इमाडोल घर बताउने अन्य दुई बालक पनि पुस्तक बाँड्दै हिँडेका भेटिए । “यी किताब बाँडिसकेपछि अंकलले चकलेट किनिदिनुहुन्छ” साइमन नाम गरेका अर्का बालकले खुसी हुँदै भने । बिहानको चिसोमा किताब बाँडिसकेर चर्चको ‘प्रार्थना’मा जान उनी हतारिएका देखिन्थे ।

यस विषयमा बेतानी चर्चका पाष्टर सुजन सुनदासले भने आफूहरूले कुनै उद्देश्यका साथ बालबालिकालाई प्रयोग नगरेको बताए ।

“बच्चा आफैँले पुस्तक निकालेर आफूखुसी बाँडेका हुन्, हामीले प्रयोग गरेका होइनौँ” उनले भने । जिल्लाका मानव अधिकारकर्मी भोजराज तिमल्सिना जिल्लामा पछिल्लो समय धर्म र राजनीतिमा बालबालिका प्रयोग बढ्दै जानु दुःखद भएको बताउँछन् ।

प्रकाशित : पुस ७, २०७५ १४:३२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT