दाङ बस दुर्घटनाका मृतक सबैको सनाखत, जुम्लाका मात्रै ११ जना [अपडेट]

१२ घाइतेलाई हेलिकोप्टरबाट काठमाडौं लगियो
दुर्गालाल केसी

दाङ — शैक्षिक भ्रमणको बस दुर्घटना हुँदा मृत्यु भएका २३ जनाकै सनाखत भएको छ । मृत्यु हुनेमा सबैभन्दा धेरै जुम्लाका ११ छन् । त्यस्तै दाङका ६ तथा जाजरकोट, बाजुरा, बझाङ, कञ्चनपुर, डोल्पा र रुकुम पूर्वका १/१ जना छन् ।

ZenTravel

मृतकहरु
  1. गाडी चालक घोराही उपमहानगरपालिका ३ का मदन केसी
  2. सहचालक तुलसीपुर उपमहानगरपालिका १८ हेमन्पुरका गणेश बिक
  3. कृष्णसेन ईच्छुक पोलिटेक्निक ईन्स्टिच्युटका शिक्षकहरु घोराही १७ का प्रदीप घिमिरे
  4. भूमे गाउँपालिका ६ पूर्वी रुकुमका नरेश ओली
  5. जुम्लाको चन्दननाथ नगरपालिका ३ का अर्जुन शाही
  6. चन्दननाथ १० का बिपना खत्री
  7. चन्दननाथ १० का रुपेश शाही
  8. चन्दननाथ १४ का रितेन्द्र शाही
  9. चन्दननाथ ५ का देवीप्रसाद उपाध्याय
  10. चन्दननाथ ३ का हिक्मत बोहोरा
  11. चन्दननाथ ६ की कुसुम रावल
  12. हिमा गाउँपालिका ५ की सैलजा शाही
  13. तिला गाउँपालिका १ का जंगबहादुर बिक
  14. तिला ३ का रमेश उपाध्याय
  15. कन्कासुन्दरी गाउँपालिका ५ का वीरेन्द्र कन्डरा
  16. दाङको दंशिशरण गाउँपालिका १ का सञ्जित रत्गैया
  17. घोराही १४ का विजय जिएम
  18. बबई गाउँपालिका ५ की कविता खत्री
  19. जाजरकोटको खलंगा नगरपालिका ४ का आतिश नेपाली
  20. डोल्पाको गजदुल्ला गाउँपालिका ६ का गजेन्द्र एैडी
  21. कञ्चनपुरको कृष्णनगर नगरपालिका ५ का खेमराज भट्ट
  22. बझाङको जयपृथ्वी नगरपालिकाका महेश जोशी
  23. बाजुराको बुढीगंगा गाउँपालिका १० का लोकेन्द्र रावल

Meroghar

जुम्लाका सात शव हेलिकोप्टरबाट पठाइएको जिल्ला प्रहरी प्रमुख एस्पी बेलबहादुर पाण्डेले बताए । दुर्घटनाका १४ घाइतेमध्ये १२ जनालाई नेपालगञ्जबाट हेलिकोप्टरमार्फत काठमाण्डौ लगिएको छ । एक जनाको कोहलपुर मेडिकल कलेजमै उपचार भैरहेको र एक जना उपचारपछि घर फर्किसकेको एस्पी पाण्डेले जानकारी दिएका छन् ।

घोराहीस्थित कृष्णसेन ईच्छुक पोलिटेक्निक ईन्स्टिच्युटका शिक्षक बिद्यार्थी चढेको बा ४ ख ९७६६ नम्बरको बस शुक्रबार बेलुका पौने पाँच बजे राप्ती राजमार्ग अन्तर्गत दाङको तुलसीपुर उपमहानगरपालिका ३ राम्रीमा दुर्घटना भएको थियो । तिब्र गती र कठिन सडकका कारण घुम्तीमा बस नियन्त्रण गर्न नसक्दा दुर्घटना भएको हुनसक्ने एस्पी पाण्डेले बताएका छन् । वन विज्ञान अध्ययनरत बिद्यार्थी र शिक्षकहरु प्रयोगात्मक अभ्यासका लागि सल्यानको कपुरकोटस्थि वनस्पती उद्यानको अवलोनका लागि शुक्रबार विहान गएका थिए । बेलुकापख फर्कने क्रममा दुर्घटना हुँदा बस सडकदेखि सात सय मिटर तल भिरमा खसेको थियो ।

दुर्घटनामा ९ पुरुष र ५ महिला गरी १४ जना घाइते भएका थिए । घाइते हुनेमा बंगलाचुली गाउँपालिका १ दाङकी १६ बर्षीया मनिका रिजाल, जुम्लाको चन्दननाथ नगरपालिका ३ का १६ बर्षीय कुशेन्द्र खत्री, चन्दननाथ २ का १७ बर्षीय जीवन भण्डारी, अछामको मंलगसेन नगरपालिकाका १९ बर्षीय युवराज ढुंगाना, पश्चिम रुकुमको सानोभेरी गाउँपालिका ३ की १६ बर्षीया रोजिना पुन र हुम्लाका २० बर्षीय बिरेन्द्र बटाला रहेका छन् ।

यसैगरी घाइते हुनेहरुमा जुम्लाको तातोपानी गाउँपालिका ४ की १८ बर्षीया हिमाली हमाल, जुम्लाकै चन्दननाथ नगरपालिका ४ की १६ बर्षीया पर्सा रोकाया, टिकापुर नगरपालिका ८ कैलालीकी १७ बर्षीया समिक्षा रोकाया, अछामको मंगलसेन नगरपालिकाका १८ बर्षीय बिक्रम भण्डारी र पश्चिम रुकुमको त्रिबेणी गाउँपालिका ३ का १६ बर्षीय प्रेम बहादुर खड्का छन् ।

यसैगरी घोराही १४ का १८ बर्षीय सञ्जय खनाल, पश्चिम रुकुमको सानोभेरी गाउँपालिका १० अर्माका १६ बर्षीय राजन डाँगी, अछामको मंगलसेन नगरपालिका ५ का १६ बर्षीय भद्र बिष्ट र परिवर्तन गाउँपालिका ४ रोल्पाका १७ बर्षीय प्रकाश वली घाइते भएका छन् । गाडीमा ३४ बिद्यार्थी, दुई शिक्षक र एक चालक गरी ३७ जना सवार रहेको जिल्ला प्रहरीले जानकारी दिएको छ ।
.....
दाङको तुलसीपुर उपमहानगरपालिका ३ राम्रीमा शुक्रबार बेलुकी भएको बस दुर्घटनामा ज्यान गुमाउनेको संख्या २३ पुगेको छ । १४ जना गम्भिर घाइते छन् । मृतक मध्ये १२ जनाको सनाखत भएको छ ।

कृष्णसेन ईच्छुक पोलिटेक्निकल इनिष्टिच्यूडका विद्यार्थी चढेको बा ४ ख ९७६६ नम्बरको बस राम्रीमा दुर्घटनाभएकाे हाे।

दुर्घटनाका १९ पुरुष र ४ महिलाको मृत्यु भएको छ। घोराही उपमहानगरपालिका १७ गैरागाउँस्थित सहिद कृष्णसेन इच्छुक बहुप्राविधिक शिक्षालयका वन वातवरणका विद्यार्थी सल्यानको मूलपानीमा रहेको वनस्पती उद्यानको अध्ययन गरेर फर्कने क्रममा बस दुर्घटनामा परेको जिल्ला प्रहरी कार्यालय दाङले जनाएको छ।

मृत्यु हुनेमा बसचालक घोराही उपमहानगरपालिका ३ का मदन खत्री क्षेत्री, शिक्षालयका शिक्षकहरु घोराही उपमहानगरपालिका १७ का २८ वर्षीय प्रदिप घिमिरे, रुकुम भुमे गाउँपालिका ६ का २८ वर्षीय नरेश वली,विद्यार्थीहरु घोराही उपमहानगरपालिका १४ घोराहीका १९ वर्षीय विजय घर्ती, बबई गाउँपालिका ५ का २१ वर्षीय बबिता खत्री, दंगिशरण गाउँपालिका १ का २० वर्षीय सञ्जीत रत्गैयाँ, जुम्ला चन्दननाथ नगरपालिका ६ का १६ वर्षीया कुशुम रावल, जाजरकोट भेरीगंगा नगरपालिका ४ का १७ वर्षीय आतिस नेपाली, कञ्चनपुर कृष्णपुर नगरपालिका ५ का १७ वर्षीय खेमराज भट्टको मृत्यु भएको छ।

त्यसैगरी, जुम्ला चन्दननाथ नगरपालिका ३ का १७ वर्षीय हिम्मत बोहरा, जुम्ला कन्कासुन्दरी गाउँपालिका ५ का २० वर्षीय विरेन्द्र कन्डरा र जुम्ला हिमा गाउँपालिका ५ का १७ वर्षीया शैलजा शाहीको पनि दुर्घटनामा मृत्यु भएको जिल्ला प्रहरी कार्यालय दाङले जानकारी दिएको छ।

दुर्घटनामा गम्भिर घाइतेहरुको कोहलपुर र नेपालगञ्जमा उपचार भइरहेको छ। बसमा ३३ विद्यार्थी, २ शिक्षक र बसका २ जना स्टाप गरि ३७ जना रहेको बुझिएको छ। दुर्घटनाको एकिन कारण भने खुल्न सकेको छैन्।



........................

राप्ती राजमार्ग अन्तर्गत दाङको तुलसीपुर उपमहानगरपालिका ३ राम्रीमा शुक्रबार बेलुका शैक्षिक भ्रमणमा गएको बस दुर्घटनामा मृत्यु हुनेकाे स‌ंख्या २३ पुगेकाे छ। ती मध्ये ६ जनाकाे मात्रै सनाखत भएकाे छ।

मृत्यु हुनेमा १९ पुरुष र ४ महिला छन्।दुर्घटनामा घाइते ९ पुरुष र ५ महिला गरी १४ जनाकाे नेपालगञ्जमा उपचार भइरहेकाे छ।

नेपालगञ्ज शिक्षण अस्पतालमा उपचाररत २ जना मध्ये जुम्लाकाबिरेन्द्र कडालाकाे शनिबार बिहान मृत्यु भएकाे हाे। घाइते मध्ये १३ जनाकाे काेहलपुरस्थित शिक्षण अस्पतालमाउपचार भइरहेकाे छ।

मृतकहरुमागाडी चालक घोराही उपमहानगरपालिका ३ का ३२ वर्षीय मदन केसी, कृष्णसेन ‘इच्छुक’ बहुप्राबिधिक शिक्षालयका शिक्षकहरु घोराही १७ का २८ वर्षीय प्रदिप घिमिरे र भूमे गाउँपालिका ६ रुकुमपूर्वका २८ वर्षीय नरेश ओली तथा दंशिशरण गाउँपालिका १ दाङका ३० वर्षीय सञ्जिव रत्गैया र घोराही १४ का १७ वर्षीय बिजय जिएमको सनाखत भएको छ। अन्यको सनाखत हुन बाँकी छ।

गाडीमा ३४ बिद्यार्थी, दुई शिक्षक र एक चालक गरी ३७ जना सवार रहेको जिल्ला प्रहरीले जानकारी दिएको छ। सल्यानबाट दाङतर्फ आउँदै गरेको बा ४ ख ९७६६ नम्बरको बस तुुलसीपुर–सल्यान सडक खण्डअन्तर्गत राम्रीमा सडकबाट ७ सय मिटर तल खसेको थियो। बस टुक्राटुक्रा भएको र भिरालो भूगोल भएका कारण उद्धारमा समस्या भएको घटनास्थलमा खटिएका इलाका प्रहरी कार्यालय तुलसीपुरका डिएसपी प्रेमबहादुर शाहीले बताएका छन्। रातीको समय भएकाले सबै विवरण संकलनमा समस्या भएको र घटनाको कारण थाहा हुन नसकेको उनले बताए।

घटनास्थल तुलसीपुर बजारदेखि करिव १२ किलोमिटर उत्तरमा पर्छ। तुलसीपुर र कपुरकोटको बीचमा पर्ने राम्री दाङ र सल्यानको सिमा क्षेत्र नजिक पर्छ। साँघुरो र भिरालो पहाडी भेग भएकाले दुर्घटनापछि उद्धारमा निकै समस्या भएको शाहीले बताएका छन्। राती अवेरसम्म पनि उद्धार चलेको थियो। प्रमुख जिल्ला अधिकारी गोबिन्दप्रसाद रिजालसहित जिल्लाका सुरक्षा अधिकारी र सबै सुरक्षा अंगहरु उद्धारका लागि परिचालन गरिएको थियो।

यसैवर्षदेखि घोराहीमा सञ्चालित कृष्ण सेन इच्छुक बहुप्राबिधिक शिक्षालयका शिक्षक विद्यार्थी शैक्षिक भ्रमणका लागि चढेको गाडी दुर्घटना भएको हो। घोराही उपमहानगरपालिका १७ गैरागाउँमा सञ्चालित कलेजमा वन विज्ञान अध्ययनरत विद्यार्थी र शिक्षकहरु सल्यानको कपुरकोटमा वनस्पती विषयको प्रयोगात्मक अभ्यासका लागि शुक्रबार बिहान गएका थिए। फर्कने क्रममा गाडी दुर्घटना भएको शाहीले बताएका छन्।

घाइते हुनेमा बंगलाचुली गाउँपालिका १ दाङकी १६ वर्षीया मनिका रिजाल, जुम्लाको चन्दनाथ गाउँपालिका ३ का १६ वर्षीय कुशेन्द्र खत्री, चन्दनाथ २ का १७ वर्षीय जीवन भण्डारी, अछामको मंलगसेन नगरपालिकाका १९ वर्षीय युवराज ढुंगाना, पश्चिम रुकुमको सानोभेरी गाउँपालिका ३ की १६ वर्षीया रोजिना पुन र हुम्लाका २० वर्षीय बिरेन्द्र बटाला रहेका छन्।

यसैगरी घाइते हुनेहरुमा जुम्लाको तातोपानी गाउँपालिका १४ की १८ वर्षीया हिमाली हमाल, जुम्लाकै चन्दननाथ नगरपालिका ४ की १६ वर्षीया पर्सा रोकाया, टिकापुर नगरपालिका ८ कैलालीकी १७ वर्षीया समिक्षा रोकाया, अछामको मंगलसेन नगरपालिकाका १८ वर्षीय विक्रम भण्डारी र पश्चिम रुकुमको त्रिबेणी गाउँपालिका ३ का १६ वर्षीय प्रेम बहादुर खड्का छन्।

यसैगरी घोराही १४ का १८ वर्षीय सञ्जय खनाल, पश्चिम रुकुम अर्माका १९ वर्षीय राजन डाँगी, अछामको मंगलसेन नगरपालिका ५ का १६ वर्षीय भद्र बिष्ट र परिवर्तन गाउँपालिका ४ रोल्पाका १७ बर्षीय प्रकाश वली घाइते भएका छन्।




....................................
शैक्षिक भ्रमण गरी सल्यानबाट दाङ फर्किरहेको बस शुक्रबार साँझ तुलसीपुर उपमहानगरपालिका–३ राम्रीमा सडकबाट खस्दा कम्तीमा १६ जनाको मृत्यु भएको छ। घटनास्थलमा १३ पुरुष र ३ महिलाको शव फेला परेको छ। अबेरसम्म मृतकको सनाखत हुन सकेको छैन।

१० पुरुष र ५ महिला घाइते छन्। अन्य ६ जनाको खोजी भइरहेको प्रहरीले बताएको छ। बसमा ३४ विद्यार्थी, दुई शिक्षक र एक चालक गरी ३७ जना थिए।

यसै वर्षदेखि घोराहीमा सञ्चालित कृष्ण सेन इच्छुक पोलिटेक्निकल इन्स्टिच्युटका वनविज्ञान विषयका विद्यार्थी र शिक्षक सल्यानको छायाछेत्रमा वनस्पतिसम्बन्धी प्रयोगात्मक अभ्यासका लागि शुक्रबार बिहान गएका थिए। फर्कने क्रममा बा४ख ९७६६ नम्बरको बस सडकबाट ७ सय मिटर तल खसेको हो।
साँघुरो र भिरालो पहाडमा बस टुक्राटुक्रा भएकाले उद्धारमा कठिनाइ भएको घटनास्थलमा खटिएका इलाका प्रहरी कार्यालय तुलसीपुरका डीएसपी प्रेमबहादुर शाहीले बताए। ‘रातिको समय भएकाले सबै विवरण संकलनमा समस्या भएको छ,’ उनले भने, ‘अबेरसम्म घटनाको कारण थाहा हुन सकेको छैन।’ घटनास्थल तुलसीपुर बजारदेखि करिब १२ किमि उत्तरमा पर्छ। तुलसीपुर र कपूरकोटको बीचमा पर्ने राम्री दाङ र सल्यानको सीमाक्षेत्रनजिक हो।

घाइतेमध्ये गम्भीर अवस्थाकी घोराही–१९ सैघाकी १७ वर्षीया मेनुका रिजाल, जुम्ला चन्दनाथ गाउँपालिका–३ का १६ वर्षीय कुशेन्द्र खत्री, चन्दनाथ–२ का १७ वर्षीय जीवन भण्डारी, अछाम मंगलसेन नगरपालिकाका १९ वर्षीय युवराज ढुंगाना, पश्चिम रुकुम सानोभेरी गाउँपालिका–३ की १६ वर्षीया रोजिना पुन र एक नाम नखुलेका १६ वर्षीय युवालाई नेपालगन्ज रिफर गरिएको छ। अन्य घाइतेको राप्ती अञ्चल अस्पताल तुलसीपुरमा उपचार भइरहेको छ। घाइते अधिकांश विद्यार्थी छन्।

घाइते अन्यमा जुम्ला तातोपानी गाउँपालिका–१४ की १८ वर्षीया हिमाली हमाल, जुम्लाकै चन्दनाथ–४ की १६ वर्षीया पर्सा रोकाया, दाङ घोराही उपमहानगरपालिका–१५ रतनपुरकी १७ वर्षीया समीक्षा रोकाया, अछाम मंगलसेन नगरपालिकाका–१८ वर्षीय विक्रम भण्डारी, पश्चिम रुकुम त्रिवेणी गाउँपालिका–३ का १६ वर्षीय प्रेमबहादुर खडका, घोराही–१४ का १८ वर्षीय सञ्जय खनाल, पश्चिम रुकुम अर्माका १९ वर्षीय राजन डाँगी, अछाम मंगलसेन–५ का १६ वर्षीय भद्र विष्ट र रोल्पाका १७ वर्षीय प्रकाश वली छन्।
..............

शैक्षिक भ्रमणमा गएको बस शुक्रबार साँझ राप्ती राजमार्गअन्तर्गत दाङको तुलसीपुर उपमहानगरपालिका ३ राम्रीमा दुर्घटना हुँदा मृत्यु हुनेको संख्या १६ पुगेको छ।

अहिलेसम्म १३ पुरुष र ३ महिलाको शव फेला परेको प्रहरीले जानकारी दिएको छ। मृतकहरुको सनाखत हुन बाँकी छ।

दुर्घटनामा ५ पुरुष र ५ महिला गरी १० जना घाइते छन्।घाइतेमध्ये घोराही १९ सैघाकी १७ वर्षीया मेनुका रिजाललाई नेपालगञ्ज रिफर गरिएको छ। अछामको मंलगसेन नगरपालिकाका १९ वर्षीय युवराज ढुंगानाको चिन्तानजनक रहेको प्रहरीले जनाएको छ। घाइतेहरुको राप्ती अञ्चल अस्पताल तुलसीपुरमा उपचार भइरहेको जिल्ला प्रहरी प्रमुख एसपी पाण्डेले बताए। घाइते अधिकांश विद्यार्थी हुन्।

घाइते हुनेहरुमा जुम्लाको तातोपानी गाउँपालिका १४ की १८ वर्षीया हिमाली हमाल, जुम्लाको चन्दनाथ गाउँपालिका ३ का १६ वर्षीय कुशेन्द्र खत्री, २ का १७ वर्षीय जीवन भण्डारी ४ की १६ वर्षीया पर्सा रोकाया, दाङको घोराही उपमहानगरपालिका १५ रतनपुरकी १७ वर्षीया समीक्षा रोकाया, अछामको मंगलसेन नगरपालिकाका १८ वर्षीय बिक्रम भण्डारी, पश्चिम रुकुमको त्रिवेणी गाउँपालिका ३ का १६ वर्षीय प्रेमबहादुर खड्का र पश्चिम रुकुमको सानोभेरी गाउँपालिका ३ की १६ वर्षीया रोजिना पुन छन्।

सल्यानबाट दाङतर्फ आउँदै गरेको बा ४ ख ९७६६ नम्बरको बस तुलसीपुर–सल्यान सडक खण्डअन्तर्गत राम्रीमा सडकबाट ७ सय मिटर तल खसेको घटनास्थलमा रहेका ईलाका प्रहरी कार्यालय तुलसीपुरका डिएसपी प्रेमबहादुर शाहीले बताएका छन्। कृष्णसेन ईच्छुक पोलिटेक्निकल ईन्स्टिच्यूटका शिक्षक विद्यार्थी शैक्षिक भ्रमणका लागि चढेको गाडी दुर्घटना भएको उनले जानकारी दिएका छन्। उक्त इन्स्टिच्युट यसै वर्षदेखि घोराहीमा सञ्चालन भएको हो।

घोराही उपमहानगरपालिका १७ गैरागाउँमा सञ्चालित कलेजमा वन विज्ञान अध्ययनरत विद्यार्थी र शिक्षकहरु स्थलगत अवलोकनका लागि शुक्रबार बिहान कपुरकोट गएका थिए। फर्कने क्रममा गाडी दुर्घटना भएको डिएसपी शाहीले बताए।

.............
राप्ती राजमार्गअन्तर्गत दाङको तुलसीपुर उपमहानगरपालिका ३ राम्रीमा शुक्रबार बेलुका भएको बस दुर्घटनामा मृत्यु हुनेको संख्या १० पुगेको छ। उद्धार जारी रहेकोले मृतकको संख्या बढ्न सक्ने जिल्ला प्रहरीले जनाएको छ।

अहिलेसम्म नौ पुरुष र एक महिलाको शव फेला परेको छ। मृतकहरुको सनाखत हुन बाँकी छ।घटनामा तीन महिला र एक पुरुष घाइते भएका छन्। घाइतेको राप्ती अञ्चल अस्पताल तुलसीपुरमा उपचार भइरहेको छ। घाइतेहरुको पनि नाम, थर खुलेको छैन।

सल्यानबाट दाङतर्फ आउँदै गरेको बा ४ ख ९७६६ नम्बरको बस तुलसीपुर–सल्यान सडक खण्डअन्तर्गत राम्रीमा सडकबाट करिब ७ सय मिटर तल खसेको घटनास्थलमा रहेका ईलाका प्रहरी कार्यालय तुलसीपुरका डिएसपी प्रेमबहादुर शाहीले बताए। उद्धारका लागि तुलसीपुर र घोराहीबाट प्रहरी खटिएका छन्।

रातको समय र कठिन भूगोल भएकाले उद्धारमा कठिनाई भइरहेको उनले बताएका छन्। बसमा अधिकांश विद्यार्थी र शिक्षक सवार रहेको बुझिएको छ।

.............
राप्ती राजमार्गअन्तर्गत दाङको तुलसीपुर उपमहानगरपालिका ३ राम्रीमा शुक्रबार बेलुका बस दुर्घटना हुँदा कम्तीमा नौ जनाको मृत्यु भएको छ। अहिले उद्धार कार्य जारी रहेको जिल्ला प्रहरीले जनाएको छ।

अहिलेसम्म आठ पुरुष र एक महिलाको शव फेला परेको प्रहरीले जानकारी दिएको छ। मृतकहरुको सनाखत हुन बाँकी छ।

सल्यानबाट दाङतर्फ आउँदै गरेको विद्यार्थी र शिक्षक चढेको बा ४ ख ९७६६ नम्बरको बस सडकबाट ७ सय मिटर तल खसेको ईलाका प्रहरी कार्यालय तुलसीपुरका डिएस्पी प्रेमबहादुर शाहीले बताएका छन्। घटनास्थलमा १९ जनाको प्रहरी टोली खटेर घाइते र मृतकहरुको खोजी गरिरहेको उनले जानकारी दिएका छन्।

प्रकाशित : पुस ६, २०७५ १८:३४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

आफन्तबाटै बालिका जोगाउन मुस्किल

दुर्गालाल केसी

दाङ — कतिपय जन्म दिने बाबुबाटै बलात्कृत भएका घटना छन् त कति नजिककै नातेदारबाट । कतिपय वृद्धले बालिकामाथि अत्याचार गरेका छन् भने कतिपय बालकले वृद्धालाई । अनेक रूपमा यस्तो अपराध बढ्दो छ । घरपरिवारकै सदस्यबाट बलात्कार हुने क्रम पनि चिन्ताजनक अवस्थामा छ । सुरक्षित भनिएको घर नै असुरक्षित भएपछि बालिका बचाउन कठिन भएको छ । 

– बाबुले निरन्तर जबर्जस्ती करणी गर्दै आएको भन्दै १३ वर्षीया बालिकाले गत वैशाख २३ मा इलाका प्रहरी कार्यालय तुलसीपुरमा जाहेरी दिइन् । प्रहरीले तत्काल ३० वर्षीय बाबुलाई पक्राउ गरी हाडनाता करणीमा मुद्दा चलायो । जिल्ला अदालतको आदेशले उनी अहिले पुर्पक्षका लागि कारागारमा छन् ।

– ८ वर्षीया बालिकालाई आफ्नै दाजुले करणी गरेको भन्दै गत चैत २३ गते जिल्ला प्रहरीमा जाहेरी पर्‍यो । बालिका रक्तस्रावका कारण गम्भीर बिरामी भएपछि घटना बाहिर आएको थियो । २३ वर्षीय अभियुक्त ट्रिपर चालक हुन् । उनलाई जिल्ला अदालतले वैशाख २० मा पुर्पक्षका लागि कारागार पठाइसकेको छ ।

– फागुन १३ मा घोराहीकी १० वर्षीयालाई दाजु नाता पर्ने २० वर्षीय युवकले बलात्कार प्रयास गरेको भन्दै जाहेरी पर्‍यो । प्रहरीले पक्राउ गरी मुद्दा चलायो । आरोपित पुर्पक्षका लागि कारागारमा छन् ।

– घोराहीकी ११ वर्षीयाले भिनाजु नाता पर्ने २५ वर्षीय युवकले बलात्कार गरेको भन्दै माघ ३ मा प्रहरीमा जाहेरी दिइन् । ती युवक पुर्पक्षका लागि कारागारमा छन् ।

आफन्तबाटै बालिका करणीमा परेका यी प्रतिनिधिमूलक घटना हुन् । पछिल्लो समय जिल्लामा बलात्कारका घटना बढिरहेका छन् । त्यसमा पनि अधिकांशका अनौठा र अपत्यारिला रूप देखा परेका छन् । कतिपय जन्म दिने बाबुबाटै बलात्कृत भएका घटना छन् त कति नजिककै नातेदारबाट । कतिपय वृद्धले बालिकामाथि अत्याचार गरेका छन् भने कतिपय बालकले वृद्धालाई । अनेक रूपमा यस्तो अपराध बढदो छ । घरपरिवारकै सदस्यबाट बलात्कार हुने क्रम पनि चिन्ताजनक अवस्थामा छ । सुरक्षित भनिएको घर नै असुरक्षित भएपछि बालिका बचाउन कठिन भएको छ ।

निसानामा बालिका

यस्तो अपराधको निसानामा बालिका छन् । पछिल्लो ६ महिनामा जिल्लामा २७ बलात्कारका घटना भए । तिनमा २३ बालिका पीडित छन् । तीन वृद्धा र एक किशोरी पनि सिकार भएका छन् । अनौपचारिक क्षेत्र सेवा केन्द्र (इन्सेक) का अनुसार ३ देखि १६ वर्षसम्मका बलात्कारमा परेका छन् । यो संख्या विगतको भन्दा दोब्बर भएको इन्सेक जिल्ला प्रतिनिधि जेएन सागरले बताए । नजिकको नाता पर्नेबाट करणी भइरहेको उनले बताए ।

‘बाबु, दाजु, भिनाजुजस्ता घरभित्रकै सदस्यबाट बालिका बलात्कार भएका घटना धेरै छन्,’ उनले भने, ‘यसले बालिका घरभित्रै असुरक्षित छन् भन्ने देखाउँछ ।’ २५ प्रतिशत बलात्कारका घटना प्रहरीमा नपुग्दै मिलापत्र हुने गरेको पनि उनले बताए ।

सजिलै प्रलोभनमा पार्न सकिने भएकाले बालबालिका अपराधको सिकार हुने गरेको प्रहरी निरीक्षक राजन गौतमको दाबी छ । ‘बालबालिका सानो कुरामा सजिलै लोभिन सक्छन् । गलत मनसाय भएको व्यक्तिले उनीहरूलाई सजिलै फसाउन सक्छन्,’ उनले भने, ‘केही कुरामा लोभ देखाउने र आफ्नो स्वार्थ पूर्ति गर्ने प्रवृत्ति छ । अभिभावकको संरक्षण नभएका बालबालिकालाई यस्तो जोखिम बढी हुन्छ ।’ पछिल्लो तीन वर्षमा नौ बालक बलात्कारमा संलग्न रहेकाले मुद्दा नै चलेको छ । पारिवारिक विखण्डन, आर्थिक अभाव, अशिक्षा र परिवारको बेवास्ताजस्ता कारणले बालबालिका अपराधमा लाग्ने गरेको उनले बताए ।

अनेक रूप

बलात्कारका अनेक रूप देखिएका छन् । कतिपय वृद्धबाट कलिला नानी बलात्कृत भएका छन् । किशोरले वृद्धालाई बलात्कार गरेका घटना पनि छन् । बालक नै बालिका करणीमा संलग्न भेटिएका छन् । सामूहिक बलात्कारका घटना छन् । गत माघ १२ गते बिहान तरकारी बिक्री गर्न आइरहेकी ४८ वर्षीयालाई घोराहीका १७ वर्षीय अमर चौधरीले बाटोमै बलात्कार गरे ।

प्रहरीले माघ १५ गते पक्राउ गरी मुद्दा चलायो । जिल्ला अदालतले फागुन ८ गते उनलाई ५ वर्ष कैद र पीडितलाई ५० हजार रुपैयाँ क्षतिपूर्ति उपलब्ध गराउने फैसला गर्‍यो ।

चैत २४ मा बंगलाचुली गाउँपालिका ६ का ५१ वर्षीय तिलबहादुर महराले ६६ वर्षीया महिलालाई बलात्कार प्रयास गरेको भन्दै प्रहरीमा जाहेरी पर्‍यो । घरभित्र आराम गरिरहेका बेला एक्कासि मुख छोपेर बलात्कार प्रयास गरेको पीडितले बताइन् । चिच्याउँदै गर्दा कामबाट फर्कंदै गरेकी बुहारीले बचाएको उनले बताइन् । जिल्ला अदालतले वैशाख २३ गते महरालाई पुर्पक्षका लागि कारागारमा राख्न आदेश दियो । उनी अहिले कारागारमा छन् ।

वैशाख १६ गते बबई गाउँपालिका ६ का ६९ वर्षीय बुद्धिराम थापाले बाख्रा चराउन जंगल गएकी ८ वर्षीयालाई बलात्कार गरेको अभियोग लाग्यो । वैशाख १७ गते थापालाई पक्राउ गरी जबर्जस्ती करणीको मुद्दा चलाइयो । जिल्ला अदालतको जेठ १ को आदेशले उनी अहिले पुर्पक्षका लागि कारागारमा छन् । जेठ १७ गते तुलसीपुर उपमहानगरपालिका ३ का १८ वर्षीय यमबहादुर घर्तीले २५ वर्षीया महिलालाई राति पसलमा सामान किन्न बोलाएर बलात्कार गरेको अभियोग लाग्यो । घर्तीलाई जेठ २० मा पक्राउ गरी जबर्जस्ती करणीको मुद्दा चलाइएको छ ।

गलत बाटोमा समाज

यस्ता घटना बढ्दै जानु सभ्य समाजका लागि अशोभनीय भएको मानव अधिकार सञ्जालका संयोजक केशवकुमार शर्माले बताए । ‘समाज सभ्य र शिक्षित हुनुको साटो झन्झन् क्रूर र आपराधिक बाटोमा गइरहेको छ,’ उनले भने, ‘बालिकाहरूले आफ्नै घरमा पनि सुरक्षा पाउन सकेका छैनन् । अभिभावकबाट नै खतरा भएपछि बालिकाहरू कसरी बचाउने ?’ समाज गलत बाटोमा गइरहेको नागरिक समाज संयोजक चन्द्रराज पन्तले बताए । एकपछि अर्को बलात्कारका घटना हुनुले समाजको खराब चित्रण गर्ने उनले बताए । ‘बालकदेखि वृद्धसम्म बलात्कारमा संलग्न छन् । घरपरिवारदेखि आफन्तसम्म अपराधमा संलग्न छन्,’ उनले भने, ‘यस्तो प्रवृत्तिले समाजलाई सही बाटो दिन सक्दैन । आपराधिक क्रियाकलापमा कुनै पनि सम्झौता हुनु हुँदैन । दोषीलाई कानुनी दायरामा ल्याउनुपर्छ ।’

दोषीमाथि कडा कारबाही नहुँदा घटना बढिरहेको महिला मानव अधिकार रक्षक सञ्जालकी केन्द्रीय सचिव लक्ष्मी आचार्य बताउँछिन् । दोषीहरू सजिलै उम्कने प्रवृत्तिले बलात्कारका पीडितहरू झनै पीडित भइरहेको उनले बताइन् । ‘न्यायका लागि जति हारगुहार गर्दा पनि पीडितलाई चित्तबुझदो न्याय प्राप्त भएको छैन । दोषी खुलेआम समाजमा शिर ठाडो पारेर हिँडिरहेको हुन्छ,’ उनले भनिन्, ‘यसले पीडितलाई थप दु:खी बनाइरहेको छ । कानुन कार्यान्वयन फितलो हुँदा बलात्कारीले प्रश्रय पाइरहेका छन् ।’

घोराही उपमहानगरपालिका उपप्रमुख एवं न्यायिक समिति संयोजक सीता न्यौपाने बालिका बचाउन परिवार जिम्मेवार हुनुपर्ने बताउँछिन् । बालिकालाई हुने जोखिमबारे समयमै सचेत हुने र अन्याय परे न्याय खोज्ने बानी बसाल्न आवश्यक रहेको उनले बताइन् । ‘बलात्कार न्यूनीकरण हुन सकेको छैन । समाजमा विभिन्न किसिमका मान्छे छन् । आपराधिक मनोवृत्तिका मानिसलाई समयमै कानुनको कठघरामा उभ्याउन सक्नुपर्छ,’ उनले भनिन्, ‘दोषीलाई आफ्नो या अर्काको भनेर पक्षपात गर्ने, अनावश्यक दबाब दिने कामले न्याय सम्पादनमा समस्या हुन्छ । दोषीलाई कारबाही गराउन सबैको जोडबल चाहिन्छ ।’

प्रकाशित : असार १७, २०७५ १७:५८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×