मकालु जहाज दुर्घटना ‘हाइपोक्सिया’ले

छानबिन गर्न गठित आयोगले पाइलटकै कारण दुर्घटना भएको प्रतिवेदनमा उल्लेख गरेको छ
सुरज कुँवर

काठमाडौँ — मकालु एयरको सिंगल इन्जिनयुक्त विमान दुर्घटना पाइलटकै कारण भएको प्रतिवेदनले औंल्याएको छ । छानबिन गर्न गठित चार सदस्यीय आयोगले बिहीबार नागरिक उड्डयन मन्त्रालयलाई बुझाएको प्रारम्भिक प्रतिवेदनमा ‘दुर्घटनाको मुख्य कारण मानवीय पक्ष’ उल्लेख छ । 

तस्बिर सौजन्यः विजय लामा
ZenTravel


‘हाम्रो अध्ययनअनुसार जहाज बादलभित्र नछिर्नुपर्ने,’ आयोगका एक पदाधिकारीले भने, ‘११ हजार फिट उचाइमा उड्नुपर्ने विमान १३ हजार फिट हाराहारीमा उडेको देखिन्छ।’ उनका अनुसार यति उचाइमा उडदा पनि दुवै पाइलटले अक्सिजन मास्क नलगाएकाले ‘हाइपोक्सिया’ भएको देखिन्छ।’ शरीरलाई आवश्यक अक्सिजन नपुग्नु ‘हाइपोक्सिया’ हो। हाइपोक्सिया हुँदा मान्छेमा मदिराले मातिएका बेलामा जस्तै आत्मविश्वास बढ्छ। ‘पाइलटहरूले अलिकति मात्रै बादल त होला नि भनेर जहाज बादलभित्र छिराउँदा दुर्घटना खेप्नुपर्‍यो,’ ती पदाधिकारीले भने, ‘हाइपोक्सियाका कारण ओभर कन्फिडेन्ट भएको देखिन्छ।’

Meroghar


आयोग अध्यक्ष त्रिरत्न मानन्धरले नागरिक उडडयनमन्त्री रवीन्द्र अधिकारीलाई प्रतिवेदन हस्तान्तरण गरेका हुन्। सम्बन्धित निकायको सुझाव लिई दुई महिनापछि यसलाई अन्तिम रूप दिइन्छ। यो अन्तर्राष्ट्रिय उडडयन संगठन (इकाओ) को नियम हो।

यो पनि पढ्नुहोस्
जेठ २ गते सुर्खेतबाट कार्गो लिएर उडेको विमान हुम्लाको बाहुनखर्कमा दुर्घटनाग्रस्त हुँदा चालकदलका दुई सदस्यको घटनास्थलमै मृत्यु भएको थियो। विमानमा क्याप्टेन किरण भट्टराई र कोपाइलट आदित्य नेपाल मात्रै थिए। अमेरिकी सेस्ना कम्पनीको सेस्ना क्याराभान नामक उक्त विमान १९ वर्ष पुरानो थियो। नौ सिटको विमानमा क्यानेडियन प्याट एन्ड विटनी कम्पनीको इन्जिन थियो। विमानमा फलाइट डाटा रेकर्डर (एफडीआर) र ककपिट भ्वाइस रेकर्डर (सीभीआर) उपकरण नभएकाले इन्जिन अध्ययनका लागि क्यानडा पठाइएको थियो। दुर्घटनामा इन्जिनको कारण नरहेको रिपोर्ट आएको अर्का पदाधिकारीले बताए। ‘क्यानडाबाट पठाइएको रिपोर्टअनुसार इन्जिनमा खराबी देखिएको छैन,’ ती सदस्यले भने।

आयोगमा नेपाल वायुसेवा निगमका पाइलट गोपालसिंह विष्ट, बुद्ध एयरका इन्जिनियर उपेन्द्रलाल श्रेष्ठ र नेपाली सेनाका चिकित्सक राजीव देव सदस्य थिए भने मन्त्रालयका सहसचिव बुद्धिसागर लामिछाने सदस्यसचिव। टोलीले स्थलगत भम्रण, सम्बन्धित व्यक्ति तथा सरोकारवालासँग अन्तर्वार्ता, जहाजका कागजात अध्ययन, चालकदलको मेडिकल तथा प्याथोलोजिकल प्रतिवेदन अध्ययन गरेको मन्त्रालयले जनाएको छ। ‘मानवीय पक्षसँग जोडिएका सामाजिक, आर्थिक पक्षको अध्ययन पनि गरिएको थियो,’ मन्त्रालयका सहायक प्रवक्ता प्रकाश शर्मा ढकालद्वारा जारी विज्ञप्तिमा उल्लेख छ।

प्रकाशित : पुस ५, २०७५ २१:३८
प्रतिक्रिया
पठाउनुहोस्
ADVERTISEMENT

भैरहवा ग्ल्याडिएटर्स र काठमाडौं किंग्स–११ का कप्तानले के भने ?

दोस्रो क्वालिफायरमा काठमाडौं किंग्स-११ लाई ६ विकेटले हराउँदै भैरहवा फाइनलमा
ईपीएलको फाइनलमा ज्ञानेन्द्र र शरदको टोली भिड्ने
कान्तिपुर संवाददाता

काठमाडौँ — टीभीएस एभरेष्ट प्रिमियर लिग (ईपीएल) को उपाधिका लागि ललितपुर प्याट्रियट्स र भैरहवा ग्ल्याडिएटर्सबीच प्रतिस्पर्धा हुने भएको छ । फाइनल खेल शनिबार हुनेछ ।

त्रिवि क्रिकेट मैदानमा आज भएको दोस्रो क्वालिफायरमा काठमाडौं किंग्स-११ लाई ६ विकेटले हराउँदै भैरहवाले फाइनलमा ललितपुरसँगको भेट पक्का गरेको हो।

१ सय १ रनको लक्ष्य पछ्याएको भैरहवाले १७ ओभरमा ४ विकेट गुमाएर पुरा गर्‍यो।

भैरहवालाई जिताउन विदेशी खेलाडी रायन टेन डोस्क्याटेले ४५ र रवि इन्दर सिंहले ३१ रन जोडे। ओपनिङ ब्याटिङ गरेका डोस्क्याटेले ३८ बलमा पाँच चौका प्रहार गरे।

प्रतियोगिताका सर्वाधिक रनकर्ता रवि इन्दर सिंहले १९ बलमा ३१ रन बनाए। उनले ३ चौका र १ छक्का प्रहार गरे। योसँगै रविले जारी ईपीएलमा ३ सय ८ रन बनाएका छन्।

यसअघि टस हारेर पहिले ब्याटिङ गरेको काठमाडौंले इनिङको अन्तिम बलमा सबै विकेट गुमाएर १ सय रन बनायो।

भैरहवाका लागि प्रतियोगितामा पहिलो खेल खेलेका सन्दीप रजालीले सर्वाधिक २७ रन बनाए। उनल २५ बलमा १ चौका र १ छक्का प्रहार गरे। प्रदीप साहुले २५ र अमित श्रेष्ठले १३ रन बनाउनुबाहेक अन्यले दोहोरो अंकको रन छुन सकेनन्।

बलिङमा भैरहवाका कुशल मल्लले ३ विकेट लिए। उनले ४ ओभरमा २० रन खर्चिए। मोहम्मद नाविदले २ विकेट लिए। कप्तान शरद र अविनाश बोहोराले १/१ विकेट लिए।
...

टीभीएस ईपीएल अन्तर्गत दोस्रो क्वालिफायरमा काठमाडौं किंग्स-११ ले भैरहवा ग्ल्याडिएटर्सलाई १ सय १ रनको विजय लक्ष्य पेश गरेको छ।

त्रिवि क्रिकेट मैदान कीर्तिपुरमा टस हारेर पहिले ब्याटिङ गरेको काठमाडौंले इंनिङ्‌को अन्तिम बलमा सबै विकेट गुमाएर १ सय रन बनायो।

भैरहवाका लागि प्रतियोगितामा पहिलो खेल खेलेका सन्दीप रजालीले सर्वाधिक २७ रन बनाए। उनल २५ बलमा १ चौका र १ छक्का प्रहार गरे। प्रदीप साहुले २५ र अमित श्रेष्ठले १३ रन बनाउनुबाहेक अन्यले दोहोरो अंकको रन छुन सकेनन्।

बलिङमा भैरहवाका कुशल मल्लले ३ विकेट लिए। उनले ४ ओभरमा २० रन खर्चिए। मोहम्मद नाविदले २ विकेट लिए। कप्तान शरद र अविनाश बोहोराले १/१ विकेट लिए।
...
टीभीएस एभरेष्ट प्रिमियर लिग (ईपीएल) क्रिकेटको दोस्रो क्वालिफायर अन्तर्गत अहिले काठमाडौं किंग्स- ११ र भैरहवा ग्ल्याडिएटर्सबीच प्रतिस्पर्धा हुँदैछ।
त्रिवि क्रिकेट मैदान कीर्तिपुरमा भैरहवाले टस जितेर पहिले फिल्डिङ गर्ने निर्णय गरेको छ।

काठमाडौं पहिलो क्वालिफायरमा ललितपुर प्याट्रियट्ससँग १ विकेटले पराजित भएपछि दोस्रो क्वालिफायरमा पुगेको हो। भैरहवाले भने इलिमिनेटर खेलमा चितवनलाई पराजित गरेको हो।

आजको खेलमा विजेताले उपाधिका लागि शनिबार ललितपुरसँग प्रतिस्पर्धा गर्नेछ। ईपीएलको उपाधि विजेताले २५ लाख र उपविजेताले १० लाख पुरस्कार पाउनेछन्।
आजको खेलमा काठमाडौंले सागर पुनको स्थानमा सन्दीप रजालीलाई खेलाएको छ। सागर गोलीगाँठाको चोटका कारण खेल्न सकेनन्। भैरहवाले भने कुनै परिवर्तन गरेको छैन।
टिम काठमाडौंःरोहन मुस्तफा (कप्तान), सोमपाल कामी, जितेन्द्र मुखिया, नरेश बुढाएर, अमित श्रेष्ठ, राजु रिजाल, मोहम्मद सम्साद शेख, सिद्धान्त लोहनी, सन्दीप रजाली, केविन ओ'ब्राइन र प्रदीप साहु
टिम भैरहवाःशरद भेषावकर (कप्तान), आरिफ शेश, रोहितकुमार पौडेल, कृष्ण कार्की, भुवन कार्की, प्रदीप ऐरी, अभिनाश बोहोरा, कुशल मल्ल, रवि इन्दर सिंह, रायन टेन डोस्काथे, मोहम्मद नविद

प्रकाशित : पुस ५, २०७५ २१:२०
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×