समन्वयका लागि सातै प्रदेशमा छलफल गर्ने निर्णय

संघ, प्रदेश र स्थानीय तहमा कानुन निर्माण लगायत कतिपय विषयमा समन्वयका विषयमा प्रश्न उठाइरहेको बेला समितिको सोमबारको बैठकले विज्ञ सहितको सहभागितामा सातै प्रदेशमा छलफल र अन्तरक्रिया गर्ने निर्णय गरेको सभापति दिलकुमारी रावलले जानकारी दिइन् ।

समितिका पदाधिकारीले बाराको निजगढमा प्रस्तावित दोस्रो अन्तर्राष्ट्रियमा विमानस्थल निर्माणका सम्बन्धमा उठेका प्रश्न र निर्माण प्रगतिका सम्बन्धमा स्थानीयवासीसँग गरेको छलफल सम्बन्धी प्रतिवेदन बुधवार सार्वजनिक गर्ने निर्णय पनि गरेको छ ।

समितिका पदाधिकारीले केही दिनअघि उक्त विमानस्थलको स्थलगत निरीक्षण गरेको थियो । विमानस्थल निर्माणका सम्बन्धमा वातावरण र रूख कटानका विषय जोडेर विभिन्न टीकाटिप्पणी हुँदै आएको छ ।