प्रहरी र फरार अभियुक्तबीच रातोपुलमा गोली हानाहान, राजन लिम्बू पक्राउ 

कान्तिपुर संवाददाता

काठमाडौँ — प्रहरीको खोजी सूचीमा रहेका फरार अभियुक्त राजन लिम्बू पक्राउ परेका छन् । महानगरीय अपराध अनुसन्धान महशाखाको टोलीले शुक्रबार पक्राउ गर्न खोज्दा रातोपुलमा दोहोरो गोली हानाहान भएको थियो ।

महाशाखाका प्रमुख एसएसपी धिरजप्रतास सिंहले पक्राउ गर्न खोज्दा लिम्बूले गोली चलाएपछि आत्मरक्षाका लागि प्रहरीले गोली चलाएको बताए।

प्रहरीको गोली लागेका लिम्बूलाई ट्रमा सेन्टरमा उपचारमा राखिएको छ। एसएसपी सिंहका अनुसार उनको तिघ्रामा गोली लागेको छ।

लिम्बू २०७३ फागुन १५ गते झापाको काँकडभिट्टास्थित एक सहकारी संस्थाबाट १ लाख डकैतीका मुख्य प्रतिवादी हुन्। गत मंसिर १२ गते इटहरीस्थित एक्टिभ मनि ट्रान्सफर कम्पनीका सविन दाहाललाई छुरा प्रहार गरी ३ लाख लुटेको आरोपमा पनि उनी प्रहरीको खोजी सूचीमा थिए।

प्रकाशित : मंसिर २१, २०७५ १४:४७
प्रतिक्रिया
पठाउनुहोस्

राम-जानकी बिवाह महोत्सव : सिंगारिंदै जनकपुर (फोटोफिचर)

सन्तोष सिंह

जनकपुर — रामजानकी विवाह महोत्सवका लागि जनकपुर सिंगारिंदै छ । मंसिर २६ गते हुने विवाह महोत्सवको तयारीमा जानकी मन्दिर, जनकपुर उपमहानगरपालिका, प्रदेश सरकार र संघीय सरकार जुटेका छन । 

 जानकी मन्दिर सिंगार्न भारतको कलकताबाट फुल मगाइएको छ । मन्दिरमा विद्युतीय सजावटको काम भइरहेको छ । रामजानकीको  जनकपुरको रंगभूमि मैदान विवाहका लागि मन्दिर परिसरमा भव्य मञ्च बनाइदैछ ।  

महोत्सवमा सहभागि हुन आएका साधु सन्तको भोजन बनाउन २ सय भन्दा बढी मजदुर परिचालन गरिएका छन् । राम–जानकीको स्वयम्बर हुने जनकपुरको रंगभूमि मैदान बाह्र विगहामा भव्य सजावट हुँदै छ । छुटाछुट्टै मण्डाल निर्माणमा कामदारहरु अहोरात्र खटिरहेका छन् । रंगभूमि मैदानमा आयोजना हुने यज्ञका लागि कलात्मक मण्डप निर्माण हुँदैछ । 

विवाह महोत्सवका मनाउन २ करोड भन्दा बढी खर्चको हुने अनुमान गरिएको छभने १० लाख भन्दा बढि श्रद्धालु सहभागी हुने जानकी मन्दिरका उत्तराधिकारी रामरोशन दास वैष्णवले जानकारी दिए । राम–जानकी विवाह महोत्सव शुक्रवारदेखि विधिवत सुरु हुँदैछ । शुक्रवार जनकपुर दर्शन, शनिवार फूलवारीलीला, आइतवार धनुष यज्ञ, सोमवार तिलकोत्सव, मंगलवार मटिकोर, बुधवार रामजानकीको स्वयंबर पछि राति विवाह र विहीवार रामकलेवाको आयोजन हुनेछ ।  

त्रेतायुगमा राम र सीताबीच भएको विवाहलाई जनकपुर र अयोध्यामा मंसिर शुक्ल पञ्चमीको दिन धूमधामसँग राम–जानकी विवाह महोत्सवको रुपमा मनाइन्छ । जनकपुरको जानकी मन्दिर मनाइने विवाह महोत्सवमा भारतको अयोध्याबाट जन्ती आउने परम्परा छ । जन्तीहरु बस, जीप, कारसँगै १० घोडा, २ हाती र २ ऊटमा सवार भएर जनकपुर प्रवेश गर्ने तयारी भइरहेको छ । 

मंसिर २६ मा हुने बिवाह महोत्सवमा अयोध्याबाट जनकपुर आउने जन्तीको नेतृत्व भारत, उत्तर प्रदेशका मुख्य मन्त्री योगी आदीत्यनाथले गर्दै छन् । योगी जन्तीको रुपमा सहभागी हुने रामजानकी महोत्सवको यसवर्ष विशेष स्वागत तयारी गरिंदैछ ।  

विवाह महोत्सवमा जन्ती बनेर आउने भारत, उतर प्रदेशका मुख्यमन्त्री योगिका लागि प्रदेश २ का मुख्यमन्त्री लालबाबु राउतले मधेश भवनमा भण्डारको आयोजना गरेका छन् । भण्डारका लागि प्रदेश सरकार रहेको मधेस भवनमा समेत पण्डाल लगाइएको छ । मुख्यमन्त्री राउतले आयोजना गर्ने भण्डारामा पाँच सय भन्दा बढी साधु सहभागी हुने मुख्यमन्त्री राउतले बताए । विवाह महोत्सवका लागि प्रदेश २ सरकारले ५० लाख रुपैयाँ उपलब्ध गराएको छ ।


प्रकाशित : मंसिर २१, २०७५ १४:४१
पूरा पढ्नुहोस्
प्रतिक्रिया
पठाउनुहोस्