नेकपाको प्रदेश कमिटीका सदस्यहरुको नामावली सार्वजनिक (नामावलीसहित)

यसअघि असोज ५ गते बसेको बैठकले प्रदेश कमिटीका अध्यक्ष र सचिवहरू नियुक्त गरेको थियो । सोही दिन प्रदेशहरूका लागि ईञ्चार्ज र सह–ईञ्चार्जको जिम्मेवारी पनि तोकेको थियो ।

आइतबार सार्वजनिक गरिएको नामावली अनुसार प्रदेश १ मा तत्कालीन एमालेको १ सय २२ र माओवादीको ८५ जना गरी २०७ सदस्य बनाइएको छ ।

त्यसैगरी प्रदेश २ मा तत्कालिन एमाले र माओवादीबाट १०६/१०६ र पछि पार्टीमा आएको तत्कालिन राष्ट्रिय जनता दलका तीन सदस्य छन् ।

• नेकपाको तल्लो तहको एकीकरण सुरु, प्रदेश कमिटीको नेतृत्व टुंगो लाग्यो

प्रदेश ३ को २१७ सदस्यमा तत्कालिन एमालेबाट ११६ र माओवादीबाट १०१ छन् । त्यस्तै गण्डकी प्रदेश कमिटीमा साविक एमालेबाट १०२ र माओवादी ८५ छन् ।

प्रदेश ५ कमिटीमा साविक एमालेबाट १०६ र माओवादीबाट ९७ छन् । कर्णाली प्रदेश कमिटीमा साविक एमालेबाट ८७ र माओवादीबाट ८८ छन् । सुदुरपश्चिम प्रदेश कमिटीमा साविक एमालेबाट सय र माओवादीबाट ८३ सदस्य रहेका छन् ।

नेकपाको मंसिर १२ गते सम्पन्न सत्रौँ सचिवालय बैठकले सदस्यहरु मनोनयन गर्ने निर्णय गरेको थियो ।