१८.१२°C काठमाडौं
काठमाडौंमा वायुको गुणस्तर: १६६

यसरी हुँदैछ पोखरा अन्तर्राष्ट्रिय विमानस्थलकाे काम

पोखरा — राष्ट्रिय गौरवको पोखरा अन्तर्राष्ट्रिय विमानस्थलमा यतिबेला टर्मिनल भवनको जग हाल्ने, रनवे सम्याउने, ट्याक्सी वे, एप्रोन, नाला निर्माणको काम धमाधम भइरहेको छ । विमानस्थलको १७ प्रतिशत भौतिक प्रगति र १२ प्रतिशत वित्तीय प्रगति भएको आयोजनाले जनाएको छ ।

यसरी हुँदैछ पोखरा अन्तर्राष्ट्रिय विमानस्थलकाे काम
यसरी हुँदैछ पोखरा अन्तर्राष्ट्रिय विमानस्थलकाे काम

आयोजना प्रमुख विनेश मुनाकर्मीले समग्र आयोजनाको काम १७ प्रतिशत र २ अर्ब भन्दा बढी अर्थात् करिब १२ प्रतिशत बित्तिय प्रगति भएको जनाए । अनुगमनमा आएको प्रतिनिधिसभा अन्तराष्ट्रिय सम्बन्ध समिति र पर्यटन तथा नागरिक उड्ययन अध्ययन अनुगमन उपसमितिका संयोजक माधवकुमार नेपाल नेतृत्वको टोलीसमक्ष उनले आयोजनाको अवस्था जानकारी गराएका थिए ।

यसरी हुँदैछ पोखरा अन्तर्राष्ट्रिय विमानस्थलकाे काम

यसरी हुँदैछ पोखरा अन्तर्राष्ट्रिय विमानस्थलकाे काम

५० बढी उपकरण २ सय कामदारले दैनिकरुपमा विमानस्थलमा काम गरिरहेको निर्माण कम्पनीका जनसम्पर्क अधिकृत कृष्ण चापागाईले बताए । आयोजनाको डिजाईन तयार भएको र यही महिनाभित्र नागरिक उड्ययन प्राधिकरणले स्वीकृति जनाउने विश्वास निर्माण कम्पनीको छ ।

यसरी हुँदैछ पोखरा अन्तर्राष्ट्रिय विमानस्थलकाे काम

सन् २०१९ भित्र रनवे निर्माण सक्नेगरी काम भइरहको छ । १४ हजार बर्गमिटरको टर्मिनल भवन २०२० को जुलाईसम्ममा निर्माण सकिनेछ । जमीन खन्ने क्रममा कडा चट्टान भेटिएपछि अपेक्षा अनुसार भौतिक प्रगतिको काम हुन नसकेको मुनाकर्मीले टोलीसमक्ष जनाएका थिए । साथै विष्फोटक पदार्थ अभावले पनि काममा केही ढिलाई हुन पुगेको छ ।

यसरी हुँदैछ पोखरा अन्तर्राष्ट्रिय विमानस्थलकाे काम

जग्गा अधिग्रहण गर्दा अहिलेसम्म मुआब्जामात्रै ३ अर्ब सकिएको छ । विमानस्थल आसपासको सडकका लागि ५० करोड खर्च भइसकेको छ । चिनियाँ निर्माण कम्पनी सिएएमसी इन्जिनियरिङले तालिका अनुसारनै काम गरिरहेको छ ।

यसरी हुँदैछ पोखरा अन्तर्राष्ट्रिय विमानस्थलकाे काम

विमानस्थल अनुगमनपछि समितिका सभापति नेपालले तोकिएको मिति अर्थात आगामी २०२१ जुलाईमा निर्माण सम्पन्न गर्नुपर्ने बताए । विमानस्थलमा १९२ देखि २ सयसम्म यात्रु बोक्ने मझौला खालका जहाज अवतरण र उडान हुनेछन् ।

यसरी हुँदैछ पोखरा अन्तर्राष्ट्रिय विमानस्थलकाे काम

पोखराबाट बेइजिङ, अजरबैजान, सिंगापुर र दोहासम्म सिधा उडान हुनेछ । विमानस्थलसँगै भन्सार, क्वारेन्टाइनजस्ता आवश्यक १५ वटा संरचनाको डिजाइन र निर्माणको काम पनि अघि बढेको छ ।

यसरी हुँदैछ पोखरा अन्तर्राष्ट्रिय विमानस्थलकाे काम

चीनको एक्जिम बैंकको करिब २२ अर्ब ऋण सहयोगमा २०७४ साउन १८ मा विमानस्थल निर्माणको काम सुरु भएको हो । १० जुलाई २०२१ भित्र निर्माण सकिएर नेपाललाई हस्तान्तरण गर्नुपर्ने सम्झौतामा छ । इपिसी (इन्जिनियरिङ, प्रोक्योरमेन्ट र कन्ट्रक्सन) मोडलमा अन्तर्राष्ट्रिय नागरिक उड्डयन अर्गनाइजेसनको मापदण्ड अनुसार ‘४डी’ विमानस्थल बन्न लागेको हो ।

यसरी हुँदैछ पोखरा अन्तर्राष्ट्रिय विमानस्थलकाे काम

विमानस्थलको धावनमार्ग २ हजार ५ सय मिटर लम्बाई र ४५ मिटर चौडाइको हुनेछ । अन्तर्राष्ट्रिय, राष्ट्रिय टर्मिनल भवन, ४ वटा बोर्डिङ कक्ष, ट्याक्सी वेलगायत पूर्वाधार पनि बन्नेछन् ।

यसरी हुँदैछ पोखरा अन्तर्राष्ट्रिय विमानस्थलकाे काम

यसरी हुँदैछ पोखरा अन्तर्राष्ट्रिय विमानस्थलकाे काम

यसरी हुँदैछ पोखरा अन्तर्राष्ट्रिय विमानस्थलकाे काम


प्रकाशित : कार्तिक १५, २०७५ १४:४५
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?