काष्ठमण्डपलाई थप पाँच करोड

२०७२ को भूकम्पले काष्ठमण्डप पूरै क्षतिग्रस्त हुन पुगेको थियो ।

महानगरले यसअघि समितिलाई ५० लाख रुपैयाँ दिइसकेको छ । काष्ठमण्डप पुनर्निर्माणका लागि महानगरले चालु वर्ष आठ करोड रुपैयाँ विनियोजन गरेको छ । ‘काष्ठमण्डप पूर्णरूपमा महानगरपालिकाले बनाउनेछ,’ रकम हस्तान्तरण गर्दै मेयर शाक्यले भने । उनले चालु आवमा कम्तीमा एक तला निर्माण हुने दाबी पनि गरे । अहिले काठ र इँटा खरिद प्रक्रिया चलिरहेको छ ।

पुनर्निर्माणमा १८ करोड रुपैयाँभन्दा बढी लाग्ने अनुमान छ । महानगरले हनुमानढोका क्षेत्रको संवर्द्धनका लागि ‘हनुमान ढोका दरबार क्षेत्र संरक्षण कार्यक्रम’ सञ्चालन गरिरहेको छ । यसैअन्तर्गत महानगरले भूकम्पबाट आंशिक र पूर्ण क्षतिग्रस्त सम्पदा पुनर्निर्माण, जीर्णोद्धार र मर्मतसम्भार गरिरहेको छ ।

महानगरले माजुदेग: पुनर्निर्माणका लागि हालै बोलपत्र आहवान गरेको छ । चाँडै कुमारी घरको जीर्णोद्धार थाल्ने तयारी छ । कामपा-२४ का वडाध्यक्ष मचाराजा महर्जनका अनुसार कुमारी घरको ‘स्ट्रकचल एलानाइसिस’ भइरहेको र मंसिरभित्र प्रतिवेदन तयार हुनेछ ।