किशोरी हत्या प्रकरणः मंगलबार राति ८ बजेदेखि कर्फ्यू

सोमबारदेखि दिनमा लगाइदै आएको कर्फ्यू हटाएपनि रातिको समयमा भने जारी नै गरिएको हो ।

‘अवस्था सहज बन्दै गएका कारण अहिले राति मात्रै कर्फ्यू लगाउने निर्णय भएको हो’ कञ्चनपुरका सहायक प्रमुख जिल्ला अधिकारी शंकर विष्टले भने, ‘सामान्य बनेपछि कर्फ्यू पूर्ण रुपमा हटाइनेछ ।’ सोमबार पनि साँझ ६ देखि मंगलबार बिहान ५ बजेसम्म कर्फ्यू लगाइएको थियो ।

गत शुक्रबार प्रदर्शकारीमाथि प्रहरीले चलाएको गोली लागेर १ बालकको मृत्यु पश्चात् असहज परिस्थिति सृजना भएपछि स्थानीय प्रशासनले कर्फ्यू लगाएको हो ।