विराटनगर — मोरङको ग्रामथान गाउँपालिका ३ स्थित जुडी खोलाले बगाएर बेपत्ता भएका दुई युवक मृत अवस्थामा फेला परेका छन् । पौडी खेल्ने क्रममा चार दिनअघि स्थानीय १७ वर्षीय मिथुनकुमार मण्डल र ३५ वर्षीय गोपाल मुडियारी बगेर बेपत्ता भएका थिए । दुबैको शव मंगलबार पेला परेको प्रहरीले जनाएको छ ।
यसैबीच, विराटनगर महानगरपालिका ४ स्थित केसलिया खोलाले बगाएर एक युवक बेपत्ता भएका छन् । साथीहरुसँग पौडी खेल्न गएका महानगरपालिका १ का १९ वर्षीय सजिन रौनियार बेपत्ता भएका हुन् । प्रहरीका अनुसार स्थानीय बासिन्दा समेतको सहयोगमा उनको खोजी भइरहेको छ ।