हुम्ला — नाम्खा गाउँपालिकास्थित हिल्सामा हेलिकप्टरको पंखामा ठोक्किएर एक तीर्थयात्रीको मृत्यु भएको छ । मानसरोवर कैलाश जान लागेका भारत, मुम्बईका ४२ वर्षीय नगेन्द्रकुमार कार्तिक मेहता आफैं चढेको हेलिकप्टरको पंखामा ठोक्किन पुगेका हुन् ।
भारतीय दूतावासका अनुसार उनी कैलाश ट्रेक प्रालिमार्फत आएका हुन् । मेहता हिल्सा पुगेपछि हेलिकप्टरबाट ओर्लने क्रममा उनलाई पछाडिको घुमिरहेको पंखाले काटेको हो । उनी मनाङ एयरको ‘नाइन एन एम भी’ कलसाइनको हेलिकप्टरमा सिमकोटबाट उडेका थिए ।