मुलुकी ऐन प्रतिस्थापन गरी भदौ १ गतेदेखि लागू हुन लागेको मुलुकी फौजदारी संहिताका गोपनीयता र गाली बेइज्जतीसम्बन्धी महलका प्रावधानले सञ्चार माध्यममाथि कडा अंकुश लगाउने भएको छ ।
भारतको सर्वोच्च अदालतले आरुषी–हेमराज हत्याकाण्डमा इलाहाबाद उच्च अदालतको फैसलाविरुद्ध परेको निवेदन सुनुवाइ गर्ने भएको छ । उच्च अदालतले छोरी आरुषी र घरेलु कामदार हेमराज बन्जाडेको हत्यामा राजेश र नुपुर तलवार दम्पतीलाई सफाइ दिएको थियो ।
सत्य निरूपण तथा मेलमिलाप आयोग (टीआरसी) ले सरकार संक्रमणकालीन न्याय व्यवस्थापनमा गम्भीर नभएको ठहर गर्दै स्थिति थप जटिल हुन नदिन प्रधानमन्त्री केपी ओलीको ध्यानाकर्षण गराएको छ ।
भारतको ७२औं स्वतन्त्रता दिवसका अवसरमा नेपालस्थित भारतीय दूतावासले एम्बुलेन्स, बस र शैक्षिक सामग्री प्रदान गरेको छ । दूतावासले विभिन्न अस्पताल, गैरनाफामूलक परोपकारी संस्थालाई ३० वटा एम्बुलेन्स र ६ वटा बस सहयोग गरेको हो ।
चौतर्फी विरोधपछि विराटनगर महानगरले महानगरवासीसँग असुल गर्ने करको दर घटाएको छ । महानगरले आर्थिक ऐन २०७५ ल्याएर गरेको कर वृद्धि बोर्ड बैठकले संशोधन गरेको हो ।
कर्णाली प्रदेश सरकारको मुख्यमन्त्री तथा मन्त्रिपरिषद् कार्यालयले साउन २३ गते सबै स्थानीय तहलाई एउटा परिपत्र गर्यो । इमेल र हुलाकबाट पठाइएको पत्रमा भनिएको छ– ‘नीति, कार्यक्रम र स्वीकृत कानुनहरू यो पत्र प्राप्त भएको मितिले सात दिनभित्र उपलब्ध गराइदिनुहुन अनुरोध छ ।’ विद्युतीय प्रति (सफ्ट कपी) इमेलमा पठाउनसमेत भनिएको छ ।
सन् २०२२ को लागि कतारमा हुन गइरहेको विश्वकप रंगशालाको लागि निर्माणधीन अल वक्रा रंगशालामा मोरङका २३ वर्षीय तेजनारायण थारुको मंगलबार बिहान मृत्यु भएको छ ।कतारस्थित नेपाली दूतावासका अनुसार थारुको रंगशालाभित्रै काम गर्नेक्रममा मृत्यु भएको हो ।
अखिल नेपाल फुटबल संघ (एन्फा)काे १७ अाैं विशेष साधारणसभा बुधबार साैराहामा सुरू भएकाे छ । प्रदेश-३ का मुख्यमन्त्री डाेरमणि पाैडेलद्वारा उद्घाटन गरिएकाे साधरणा सभाले विधानलाई संघीय प्रणाली अनुकुलकाे बनाउनुका साथै नियमावलीहरू पनि पारित गर्ने छ ।
निरन्तरको बाढी र पहिरोले मनाङ जाने एकमात्र बेंसीसहर–चामे सडक अवरुद्ध बनेको छ । चामे पुग्नै लाग्दाको कोतोक्षेत्रमा पहिरोले डेढसय सय मिटर सडक बगाएको छ । बेंसीसहरबाट जाँदा करीब साढे ३ किलोमिटर पर चनौटे नजिकै उत्तीसघारी खरखरेमा पहिरो झरेपछि चामेबाट आउने र बेंसीसहरबाट जाने सवारीसाधन अलपत्र परेको छ ।
भारी वर्षपछि आएको पहिरोले मालिका गाउँपालिका-२ विल्वाङमा दुई घर पुरेको छ । पहिरोमा परी ४२ वर्षीया मीना पुन घाइते भएकी छन । पहिरोले खगप्रसाद पुन, मीन पुन, चीजमान पुन र नोटबहादुर पुनको घर पुरिएको घटनास्थलबाट मालिका गाउँपालिका प्रमुख श्रीप्रसाद रोकाले जानकारी गराए ।
मोरङको ग्रामथान गाउँपालिका ३ स्थित जुडी खोलाले बगाएर बेपत्ता भएका दुई युवक मृत अवस्थामा फेला परेका छन् । पौडी खेल्ने क्रममा चार दिनअघि स्थानीय १७ वर्षीय मिथुनकुमार मण्डल र ३५ वर्षीय गोपाल मुडियारी बगेर बेपत्ता भएका थिए । दुबैको शव मंगलबार पेला परेको प्रहरीले जनाएको छ ।
चुनावअघि पैदलै सदरमुकाम पुग्ने स्थानीय तहका जनप्रतिनिधि अहिले हेलिकप्टरमार्फत आउजाउ गर्न थालेका छन् । विशेष गरी सडक सञ्जालले नजोडिएका स्थानीय तहका जनप्रतिनिधिमा हेलिकप्टर मोह झाँगिएको छ । यद्यपि उनीहरू ‘आफ्नै खर्च’ मा चढेको दाबी गरिरहेछन् ।
मुलुकी ऐन विस्थापित गरी भदौ १ देखि लागू हुने अपराध संहितामा इलाजसम्बन्धी महलको व्यवस्थाले बिरामीहरूकै ज्यान जोखिममा पार्ने चिकित्सकहरूले चेतावनी दिएका छन् ।
दिक्तेल रुपाकोट मझुवागढी–१ स्थित सरस्वती आधारभूत निमाविकी कार्यालय सहयोगी वृन्दा विश्वकर्माले दलित भएकैले जागिरबाट निकालिएको भन्दै उजुरी दिएकी छन् । यसबारे अदालतमा मुद्दा दायर गर्ने तयारी भइरहेको प्रहरीले जनाएको छ ।
प्रशस्तै जग्गा भएका विद्यालयहरुले भाडाामा लगाएर करोडौं आम्दानी गर्छन् । तर भाडामा लगाउँदा नियम प्रक्रिया पुरा नगर्ने मात्रै हैन आम्दानी पनि सदुपयोग नहुने देखिएको छ । सम्पत्तिका हिसाबले जिल्लाकै धनी मानिने चितवन माद्यामिक विद्यालयको जग्गा भाडा प्रकरणमा सर्वोच्च अदालते यो बेथिति उजागार गर्दै भाडाामा लगाउने तयारी नै रोक्न आदेश दिएको छ ।
कोसी ब्यारेजमा सुरक्षा चुनौती देखाउँदै भारतीय अधिकारीहरूले यहाँ आफ्ना अर्धसैनिक बल राख्न दबाब बढाएका छन् । इस्लामिक आतंकवादी संगठन लस्कर–ए–तोयबा, जैस–ए–मोहम्मद र पाक मुल इन्डियन मुजाहिद्धिनबाट सुरक्षा चुनौती रहेको भारतीय अधिकारीहरूको दाबी छ ।
कुशे गाउँपालिका ८, जिन्तालाकी जयकुँवारा सिंहले टेलिफोनमा कुरा गर्न नपाएको एक महिना बित्यो । उनको मोबाइलमा घण्टी बज्न छाडेको त महिनौं भइसक्यो । सिंहले सल्यानमा बस्ने छोरा रमेशसँग पनि फोन सम्पर्क नभएपछि डेढ घण्टा उकालो चढेर भाटकोट डाँडामा पुग्नु पर्ने बाध्यता छ ।
नाम्खा गाउँपालिकास्थित हिल्सामा हेलिकप्टरको पंखामा ठोक्किएर एक तीर्थयात्रीको मृत्यु भएको छ । मानसरोवर कैलाश जान लागेका भारत, मुम्बईका ४२ वर्षीय नगेन्द्रकुमार कार्तिक मेहता आफैं चढेको हेलिकप्टरको पंखामा ठोक्किन पुगेका हुन् ।
सिक्टा सिँचाइ आयोजनाको मूल नहर परीक्षणकै क्रममा दुई पटक भत्किएपछि अख्तियार दुरुपयोग अनुसन्धान आयोगको एक टोलीले स्थलगत अध्ययन सुरु गरेको छ । काठमाडौंबाट आएको अख्तियार टोलीले नहर भत्किएको स्थानमै पुगेर निरीक्षण गरेको हो ।
बजेट बाँडफाँटलाई लिएर जनप्रतिनिधिबीच विवाद लम्बिँदा रुपन्देहीको मर्चवारीमाई गाउँपालिकाको परिषद् बस्न सकेको छैन । योजना छनोट र बजेट विनियोजन रोकिएको छ । परिषद्लाई लिएर केही दिनयता जनप्रतिनिधि र कर्मचारी विभाजित छन् ।
नलगाड नगरपालिका- २, ३ र ४ स्थित झुप्रा खोलामा आएको बाढीले ४ घर सहित सयौं रापेनी खेत बगाएको छ । सोही नगरपालिकाऔ३, करुवाको जंगलबाट आएको पहिरोसँगै खोलामा बाढी आई करोडौको संरचनामा क्षति पुगेको हो ।
डडेलधुराका स्वास्थ्यसंस्थामा बिरामी जीवनजलसम्म पाउँदैनन् । यता धनगढीको क्षेत्रीय गोदाम औषधिले भरिभराउ छ । जिल्ला अस्पताल दार्चुलामा पनि सलाइन अभाव छ । क्षेत्रीय गोदामका कर्मचारीलाई भने सलाइन थन्क्याउनै भ्याइनभ्याइ छ ।
अविरल वर्षापछि कालीगण्डकी नदी उर्लेर बस्ती तर्फ पस्न थालेपछि मुस्ताङदेखि तलका सबै तटीय क्षेत्र वरपर बस्ने बासिन्दा त्रसित बनेका छन् । कालीगण्डकीमा बाढीको सतहबढेपछि अन्नपूर्ण गाउँपालिका-३ कोप्चेपानीस्थित ६ कोठे धौलागिरी आधारभूत विद्यालय बगाएको छ ।