म्यान्डेटसहितको टोलीसँग मात्र वार्ताः डा. केसी

अतुल मिश्र

काठमाडौँ — डा. गोविन्द केसीले सरकारसँग भईरहेको वार्तालाई तार्किक निश्कर्षमा पुर्याउन तुरन्त  चिकित्सा शिक्षा विधेयक फिर्ता गरेर पूर्ण म्यान्डेटसहितको वार्ता टोली पठाउन आग्रह गरेका छन् ।

उनले पुर्ण म्यान्डेटसहितको वार्ता टोली सरकारले पठाए मात्र अर्को चरणको वार्ता हुने समेत उल्लेख गरेका छन् । डा. केसीले विज्ञप्ती जारी गर्दै सरकारले गरेको प्रारम्भिक चरणको वार्तामा माग पूरा गर्न कुनै पहल नभएको समेत उल्लेख गरेका छन् । आवश्यक म्यान्डेट नै नदिई कर्मचारी मात्र सम्मिलित वार्ता टोली पठाएर सरकारले झारा टार्ने काम गरेको आरोप समेत उनले लगाएका छन् ।


हालसम्म सार्थक वार्ता सुरु हुन नसकेको औँल्याउदै डा केसीले सरकार अझै वार्ताका लागि जिम्मेवार र संवेदनशील नभएको र आफूहरूले उठान गरेको एजेण्डाहरुप्रति उदासीन रहेको जनाएका छन् ।


डा केसीका प्रतिनिधिहरू सरकारी वार्ता टोली म्यान्डेट विहीन रहेको बताउँदै आएका छन् ।

प्रकाशित : श्रावण २, २०७५ १४:११
प्रतिक्रिया
पठाउनुहोस्

क्रिकेटर शक्ति गौचनद्वारा संन्यास घोषणा

कान्तिपुर संवाददाता

काठमाडौँ — नेपाली राष्ट्रिय क्रिकेट टोलीका स्पिनर शक्ति गौचनले अन्तर्राष्ट्रिय क्रिकेटबाट संन्यास घोषणा गरेका छन् । युरोप टुरमा जाने टोलीका लागि बुधबार आयोजित बिदाई कार्यक्रममा उनले यो नै अन्तिम विदेश टुर हुने बताएका हुन् ।

उनले अब नेपालमा हुने अर्को खेल नै उनको राष्ट्रिय टोलीका लागि अन्तिम् खेल हुनेछ । नेपालले युरोप टुर अन्तर्गत इंग्ल्यान्डको लर्डस क्रिकेट मैदानमा त्रिकोणात्मक ट्वान्टी ट्वान्टी सिरिज तथा नेदरल्यान्ड्समा दुई खेलेको वान–डे सिरिज खेल्दैछ ।

राष्ट्रिय टोलीका लागि डेढ दशक मैदानमा बिताएका गौचनले करियरको सुरुवात ब्याट्सम्यानको भूमिकामा खेलेका थिए । पछिल्लो एक दशक भने उनले स्पिनरको भूमिका निर्वाह गर्दै आएका छन् ।

राष्ट्रिय टोलीबाट संन्यास लिएपनि उनले घरेलु क्रिकेटमा भने निरन्तर खेलिरहने बताएका छन् ।

प्रकाशित : श्रावण २, २०७५ १४:००
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×