१५ वर्षीय जुम्ल्याहाले बनाए रोबर्ट 

अमृता अनमोल

बुटवल — बुटवलमा एक जुम्ल्याहा दाजूभाईले बहुउपयोगी रोबर्ट  बनाएका छन् । कद्दरबहादुर रीता नविन औद्योगिक माविमा कक्षा १० अध्ययनरत लव र कुश पन्थीले रोबर्ट  बनाएका छन् । 



चर्चित भारतीय चलचित्र रोबर्टबाट प्रभावित भएर उनीहरुले उक्त रोबर्ट बनाएका हुन्। रजनीकान्तको अभिनय रहेको उक्त फिल्ममा रोबर्टबारे निकै चाखलाग्दो तरिकाले निर्माण गरिएको थियो। चलचत्रिमा देखाइउको दृश्यहरुलाई पच्छाउँदै लवकुशले इन्टरनेटको माध्यमबाट उक्त रोबर्ट बनाएका हुन्।

रोबर्टले ८० भाषालाई परिवर्तन गर्न सक्ने,मान्छे चिनाउन,ठाँउ पत्ता लगाउन र विद्युतीय उपकरण खोल्न र बन्द गर्न सक्छ। एक वर्ष लगाएर निर्माण गरिएको रोबर्टमा रेस्पियन लिनक्स ओपरेटिङ सिस्टम जडान गरिएको छ।

लव र कुशले यो रोबर्टको नाम गो–गो राखेका छन्। यसले शरीरका अंगहरु पनि नियन्त्रण गर्न सक्छ। रोबर्टले विश्वका महत्वपूर्ण ठाउँहरु, कार्यालय होटल अस्पताल आदिको फोन नम्बर बताउँछ।
रोबर्टले आफै फोटो र भिडियो खिच्ने उनीहरुले बताए।। भोक लाग्दा, बिरामी हुँदाको जानकारी गराए नजिकैका होटल, रेष्टुरेण्ट र अस्पतालहरुको नाम र ठेगाना समेत बताउँछ।

रोबर्ट बनाउनका लागि उनीहरुले नेपाल र भारतका विभिन्न ठाउँबाट सामान ल्याएका थिए। यसकालागि उनीहरुले करिब ३० हजार खर्च गरे।
तस्बिरहरु : अमृता अनमोल

प्रकाशित : असार २३, २०७५ १७:४३
प्रतिक्रिया
पठाउनुहोस्

वक्तृत्वकलामा घिमिरे प्रथम

कान्तिपुर संवाददाता

मोरङ — राष्ट्रिय युवा परिषद काठमाडौंले शनिबार विराटनगरमा आयोजना गरेको ‘समृद्ध नेपाल र सुखी नेपाली अभियानमा युवाको भूमिका’ विषयक प्रदेश १ स्तरीय वक्तृत्वकला प्रतियोगितामा संखुवासभाकी सम्झना घिमिरे प्रथम भएकी छन् ।

प्रतियोगितामा प्रथम भएकी घिमिरेलाई प्रदेश १ का सामाजिक विकास मन्त्री जीवन घिमिरेले नगद १५ हजार र प्रमाण पत्र प्रदान गरे ।

खाँदबारी नगरपालिका–८ की घिमिरे स्थानीय बागेश्वरी उच्च माध्यमिक विद्यालयबाट कक्षा १२ को परीक्षा दिएकी छन् ।

उदयपुरको गाईघाटकी किञ्जन खत्री द्वितीय, मोरङका छवीलाल भण्डारी तृतीय र खोटाङका विजय पाण्डेले सान्त्वना पुरस्कारमा चित्त बुझाए ।

उदयपुरस्थित बडुवा क्याम्पसमा बिबिएस चौथों वर्षमा अध्ययनरत खत्रीले प्रमाण पत्र र १० हजार नगद, विराटनगर–४ घर भई सिटी कलेजमा बिबिएस चौंथो वर्षमा अध्ययनरत भण्डारीले नगद ७ हजार र प्रमाण पत्र हात पारे ।

खोटाङको निजी विद्यालयमा कक्षा ९ मा अध्ययनरत पाण्डेले नगद ५ हजार र प्रमाण पत्र प्राप्त गरे ।

प्रतियोगिताका प्रथम, द्वितीय र तीतृय स्थान प्राप्त गर्न सफल भएका घिमिरे, खत्री र भण्डारीले मंगलबार काठमाडौंमा उक्त विषयमा हुने राष्ट्रिय वक्तृत्वकला प्रतियोगितामा प्रदेशबाट प्रतिनिधित्व गर्ने जिल्ला युवा समिति मोरङका अध्यक्ष रविन थापाले बताए ।

प्रकाशित : असार २३, २०७५ १७:२७
पूरा पढ्नुहोस्
प्रतिक्रिया
पठाउनुहोस्