सुन तस्करीको अनुसन्धानका क्रममा व्यापारी विमल पोदार पक्राउ
काठमाडौँ — संगठित सुन तस्करी माथि अनुसन्धान गर्न बनेको बिशेष समितिले व्यापारी विमल पोदारलाई पक्राउ गरेको छ । उनलाई मंगलबार साँझ डिल्लीबजार क्षेत्रबाट पक्राउ गरिएको हो ।
पोदारलाई बा८च ७७१३ नम्बरको कालो रंगको स्कोडा गाडीसहित नियन्त्रणमा लिइएको बताइएको छ ।
उच्च प्रहरी स्रोतका अनुसार पोदरको बुधबार दिउँसो गृह मन्त्रालयमा वयान जारी छ ।
समितिले संगठित रुपमा हुँदै आएको सुन तस्करीको अनुसन्धान गरिरहेको छ । यही सिलसिलामा समितिले झण्डै चालिस जनाबिरुद्ध संगठित अपराध, हत्या तथा तस्करीको अभियोगमा मुद्दा चलाइसकेको छ ।
प्रकाशित : असार ६, २०७५ १४:२८प्रतिक्रिया