कांग्रेसको केन्द्रीय कार्यसम्पादन समिति र संसदीय समिति विघटन 

कुलचन्द्र न्यौपाने

काठमाडौँ — कांग्रेस सभापति शेरबहादुर देउवाले विधानविपरीत गठन गरेका केन्द्रीय कार्यसम्पादन समिति र संसदीय समिति विघटन भएको छ । कांग्रेस केन्द्रीय कार्यसमितिको आइतबारको बैठकमा ती दुवै समिति विघटन भएको जानकारी सभापति देउवाले बैठकमा जानकारी गराएका हुन् ।

निर्वाचन हारको जिम्मेवारी सभापतिले लिने कि नलिने र यी दुई समिति विघटन गर्ने कि नगर्ने भन्नेमा लामो विवाद चलेको थियो। वरिष्ठ नेता रामचन्द्र पौडेल र पूर्वमहामन्त्री कृष्णप्रसाद सिटौला पक्षले पार्टी विधानविपरीत गठन भएका दुवै समिति विघटन गर्नुपर्ने र निर्वाचन हारको जिम्मेवारी सभापतिले लिनुपर्ने अडान राख्दै आएका थिए।

सभापतिले पार्टीको औपचारिक निर्णयमा उल्लेख नगरी आफैंले बैठकमा सम्बोधन गर्दा विघटन भएको जानकारी गराउने गरी सहमति भएको थियो। निर्वाचन हारमा पनि सभापति देउवाले नैतिक जिम्मेवारी पनि लिन नमानेपछि केन्द्रीय कार्यसमितिले लिनेगरी बीचको बाटो सुझाइएको थियो।

प्रकाशित : वैशाख १६, २०७५ १९:२२
ADVERTISEMENT
ADVERTISEMENT
प्रतिक्रिया
पठाउनुहोस्

सुन तस्करी काण्डमा वहालवाला डिएसपी प्रजित केसी पनि नियन्त्रणमा

जनकराज सापकोटा

काठमाडौँ — त्रिभुवन अन्तर्राष्ट्रिय विमानस्थलबाट बाहिरिएपछि हराएको भनिएको ३३ किलो अवैध सुन अनुसन्धानको सिलसिलामा अर्का एक वहालवाला प्रहरी अधिकारीलाई नियन्त्रणमा लिइएको छ । 

जिल्ला प्रहरी कार्यालय मोरङले डिएसपी प्रजित केसीलाई नियन्त्रणमा लिएर हिरासत कक्षमा राखेको छ। प्रजित तिनै डिएसपीहुन्, जो मोरङ उर्लाबारीका सनम शाक्य हत्याको घटना अनुसन्धान गर्न महानगरीय अपराध महाशाखाबाट सई बालकृष्णसञ्जेललाई लिएर मोरङ पुगेका थिए।

केसी नेतृत्वको अनुसन्धान शंकाको घेरामा परेपछि केही साताअघि सई सञ्जेल, डिएसपी केसी र अपराध महाशाखाका प्रमुखएसएसपी दिवेश लोहनीलाई प्रहरी प्रधान कार्यालय फिर्ता बोलाइएको थियो।

सुन तस्करीबारे चलेको अनुसन्धानका क्रममा मोरङ जिल्ला अदालतमा बयान दिन शुक्रबार केसी हवार्इ मार्गबाट विराटनगरपुगेका थिए।

यी पनि पढ्नोस् ।

सुन तस्करी काण्ड : एसपीसहित तीनजनालाई अनुसन्धान गर्न ६ दिन म्याद थप

३३ किलो सुन तस्करी प्रकरण : गृहमन्त्रालयबाटै एसपी विकासराज खनाल नियन्त्रणमा

३३ किलो सुन प्रकरणमा पूर्वडिआईजी गोविन्द निरौला नियन्त्रणमा

सुन तस्करीको लहरो : पहरो गर्जने संकेत


प्रकाशित : वैशाख १६, २०७५ १८:४८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT