काभ्रेलाई प्रदेश राजधानी तोक्न प्रस्ताव दर्ता

नगेन्द्र अधिकारी

हेटौंडा — काभ्रेलाई प्रदेश राजधानी तोक्न ३ नम्बर प्रदेशसभा सचिवालयमा प्रस्ताव दर्ता भएको छ ।एमाले सांसद चन्द्रबहादुर लामा प्रस्तावक र सांसदहरु बसुन्धरा हुमागाईं, रत्नप्रसाद ढकाल र लक्ष्मण लम्साल समर्थक रहेर प्रस्ताव दर्ता गरिएको हो ।

प्रदेशसभा सचिवालयमा हेटौंडाको अस्थायी मुकाम सार्न पहिलोपटक औपचारिक प्रस्ताव दर्ता गरिएको हो।

संविधानको धारा २८८ को उपधारा (२) अनुसार प्रदेशको राजधानी सम्बन्धित प्रदेशसभामा तत्काल कायम रहेका सदस्य संख्याको दुई तिहाई बहुमतले निर्णय गर्नेछ।

प्रदेशको भौगोलिक अवस्थिति, जनचाहना, पहुँचको सुलभता, भौतिक पूर्वाधारलगायतका दृष्टिकोणले काभ्रेको बनेपा, पनौति र धुलिखेल नगरपालिकास्थित आईटी पार्क रहेको स्थानमा प्रदेश राजधानी तोक्न काभ्रेका प्रदेशसभा सांसदहरुले प्रस्ताव गरेका छन्।



प्रकाशित : चैत्र १४, २०७४ १९:०२
ADVERTISEMENT
ADVERTISEMENT
प्रतिक्रिया
पठाउनुहोस्

कांग्रेस प्रदेश ३ संसदीय दल कार्यसमितिलले पूर्णता पायो

नगेन्द्र अधिकारी

हेटौंडा — नेपाली कांग्रेस प्रदेश ३ संसदीय दल कार्यसमितिले पूर्णता पाएको छ । बुधबार मकवानपुरस्थित पार्टी कार्यलयमा बसेको संसदीय दलको बैठकले पूर्णता दिएको हो । 

प्रमुख सचेतकमा राधा घले, सचेतकमा छिरिङ दोर्जे लामा, सदस्य सचिवमा निमा लामा तथा अनुसाशन समितिको संयोजकमा विजुला बर्मालाई चयन गरेको हो ।

कांग्रेसले सार्वजनिक लेखा समितिको सभापतिमा दलको तर्फबाट न्हुच्छे नारायण श्रेष्ठलाई उठाउने निर्णय समेत गरेको छ । लेखा समितिको नेतृत्व प्रमुख प्रतिपक्षी दलले पाउने परम्परा अनुसार कांग्रेसले दाबी गरेको हो ।

अन्य समितिमा कांग्रेसले दाबी नगर्ने सदस्य सचिव लामाले जानकारी दिए । बैठकले यूएस बंगला विमान दुर्घटनामा मृतक हुने २२ नेपाली सहित ४९ जनाको मृत्यु भएकोमा दु:ख व्यक्त गर्दै घाइतेको उपचार र मृतकलाई तत्काल क्षतिपूर्ति उपलब्ध गराउन माग गरेको समेत गरेको छ ।

प्रकाशित : चैत्र १४, २०७४ १३:१७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×