राष्ट्रियसभा निर्वाचन : प्रदेश १ मा ३ महिला निर्विरोध निर्वाचित
विराटनगर — प्रदेश नं १ बाट राष्ट्रियसभाका लागि ३ जना महिला निर्विरोध निर्वाचित भएका छन् । निर्वाचित हुनेमा नेकपा एमालेकी नैनकला ओझा, माओवादी केन्द्रकी विना पोखरेल र नेपाली कांग्रेसकी सरिता प्रसाईं छन् ।
महिलाको लागि ३ सिट छुट्याइएकोमा १ नम्बर प्रदेशमा ३ जना महिलाको मात्रै मनोनयन परेपछि राष्ट्रिय सभा निर्वाचन अधिकृतको कार्यालयले निर्विरोध निर्वाचित भएको घोषणा गरेको हो ।
१ नम्बर प्रदेशमा बुधबार दिउँसो साढे ४ बजेसम्ममा १० जनाको मनोनयन परेको थियो । एमालेको तर्फबाट ५, कांग्रेसको तर्फबाट ४ र माओवादीको तर्फबाट १ जनाले मनोनयन दर्ता गराएका थिए ।
