धनकुटामा जारी निषेधाज्ञा कायमै

यसअघि जिल्ला प्रहरी कार्यालयमा बोलाईएको सर्वपक्षीय वार्ता राजनीतिक दलले अस्वीकार गरेपछि जिल्ला प्रशासनमा दुई पक्षीय वार्ता भएको हो । वार्ताका क्रममा दुवै पक्षले आ आफ्ना रिपोर्टिङ पेश गर्दै समस्या सुल्झाउने प्रयास भइरहेको वार्तामा सहभागी आन्दोलन परिचालन समितिका संयोजक सुन्दरबाबु श्रेष्ठले जानकारी दिए ।

वार्तामा क्रियाशील प्रमुख राजनीतिक दलका प्रतिनिधि, सांसदहरु, आन्दोलन परिचालन समितिका संयोजक सहभागी छन् ।

धनकुटालाई प्रदेश नम्बर १ को अस्थायी मुकाम नतोकेको विरोधमा भएको प्रदर्शन हिंसात्मक बनेपछि हिजो मध्यान्हदेखि धनकुटा बजार क्षेत्रमा निषेधाज्ञा जारी गरिएको छ । अनिश्चितकालिन आमहड्ताल आज तेस्रो दिनपनि जारी रहँदा धनकुटाको जनजीवन अस्तब्यस्त बनेका छ । यातायात, बजार, शिक्षण संस्था, कलकारखाना समेत ठप्प छ ।