आगलागीबाट फर्निचर उद्योगसहित २ घर जले

घनश्याम खड्का / म्याग्दी

म्याग्दी — शनिबार दिउँसो विद्युत सर्ट भई आगलागी हुँदा रघुगंगा गाउँपालिका, १ तिप्ल्याङ्गमा एक फर्निचार उद्योग सहित दुई घर जलेर नष्ट भएको छ । आगो २ घन्टामा नियन्त्रणमा आएको थियो

प्रहरीका अनुसार आगलागीबाट बेगबहादुर पुर्जाको फर्निचर उद्योग, पसल र घर जलेको हो । फर्निचर उद्योगबाट फैलिएको आगोबाट जोडिएको राजकुमारी पाईजाको घर पनि जलेको हो । आगोले बेगबहादुरका एक सय ५० र राजकुमारीका ५० वटा कुखुरा पनि जलेका छन ।

आगोले वेगबहादुरको घर, फर्निचर, लत्ताकपडा, अन्नपात, गहना, नगद र कुखुरासमेत २० लाख र राजकुमारीको घर, अन्नपात, कुखुरागरी १७ लाख मुल्य बराबरको क्षति पुगेको प्रहरीको प्रारपम्भिक अनुमान छ ।
घटनास्थल सदरमुकाम बेनीदेखी २० किलोमिटर उत्तर बेनी–जोमसोम सडक खण्डमा पर्छ ।

‘दिउँसो ४ बजेबाट आगलागी भएको हो । फर्निचरमा विद्युत सर्ट भई आगलागी भएको अनुमान छ,’ प्रहरी निरीक्षक दीपक महतले भने, ‘दमकल र स्थानीयको प्रयासमा आगो नियन्त्रणमा आएको छ ।’

प्रकाशित : पुस ८, २०७४ १८:४१
प्रतिक्रिया
पठाउनुहोस्

विजयी उम्मेदवारलाई ५१ केजीको माला

रमेशचन्द्र अधिकारी

धनकुटा — प्रतिनिधिसभा सदस्यमा विजयी भएका राजेन्द्र राई शनिवार मतदातालाई धन्यवाद दिन गाउ‘ पुग्दा आश्चार्य चकित भए ।

विजयी भएपछि जिल्लाभरी मतदाताको घरदैलोमा हिड्नेक्रममा धनकुटा ९ बेलहारा पुग्दा उनी स्थानीयले ५१ किलोग्रामको माला लगाइदिएपछि उनी अचम्मित बनेका हुन् ।

वाम गठबन्धनबाट एमालेका तर्फबाट उम्मेदवार भएर विजयी भएका राईलाई सयौंको संख्यामा भेला भएका स्थानीयबासीले पहिले फुलमाला तथा अवीरले स्वागत गरे । तर उनलाई पूर्व जानकारी नदिई स्थानीयले थामिनसक्नुको माला पहिरिदिएपछि उनी खुसीले उत्साहित भए ।

गलामा पहिऱ्याएको माला थाम्न राईलाई हम्मेहम्मे परेको थियो । उनले खुसीको क्षण थाम्न नसकेको अश्रुमिश्रित हॉसो हासिरहे । ‘मैले जीवनमा यति धेरै खुसी र अनौठो महशुस पहिलो पटक भोगें’, उनले भने, ‘स्थानीयबासीले गरेको स्वागतसँगै मतको कदर गर्न म सदैव जिम्मेवार भएर जुट्ने छु ।’

उनलाई लगाइएको माला करिब १० मिटर गोलाई सहित ५१ केजीको रहेको स्वागत कार्यक्रमका संयोजक तथा नगरपालिका वडा नं ९ का वडाध्यक्ष सन्दिप रायमाझीले बताए । माला थाम्न आसपास रहेका स्थानीयले सहयोग गरेका थिए ।

प्रकाशित : पुस ८, २०७४ १८:३७
पूरा पढ्नुहोस्
प्रतिक्रिया
पठाउनुहोस्