म्यादी प्रहरी मृत्यु घटनाको छानबिन हुनुपर्छ : बिनाविभागीयमन्त्री शाही

काठमाडौँ — बिनाविभागीयमन्त्री महेन्द्रबहादुर शाहीले यही पुस ७ गतेका दिन कालिकोटको सदरमुकाममा म्यादी प्रहरी विवेक ऐडीको दुःखद् मृत्यु र आधा दर्जन जति घाइते भएको घटनाप्रति आफ्नो गम्भीर ध्यानाकर्षण भएको बताएका छन् ।

उनले आज एक प्रेस विज्ञप्ति प्रकाशित गरी यस्तो दुःखद् घटना हुनुका कारण पत्ता लगाइ दोषीमाथि कारबाही गर्न माग पनि गरे।

'सान्नी त्रिवेणी, चार तिकुवाका हरि ऐडीका २१ वर्षीय छोरा मृतक विवेक ऐडीको घर परिवारलाई उचित राहत तथा क्षतिपूर्ति र घाइतेलाई यथाशीघ्र उपचारको व्यवस्था गरिदिन सरकारसँग माग गर्दछु', विज्ञप्तिमा उनले भनेका छन्।

यस दुःखद् घडीमा सबै पक्ष संयमित भई जिल्लाको शान्ति सुरक्षालाई थप उत्तेजित पार्ने स्थिति नहोस् भनी सम्बन्धित पक्षलाई सचेत रहनसमेत विज्ञप्तिमार्फत् उनले सबैमा आग्रह गरे।

प्रकाशित : पुस ८, २०७४ १४:३७
प्रतिक्रिया
पठाउनुहोस्

विराटनगरद्वारा भैरहवा पराजित

सुबास हुमागाईं

काठमाडौँ — एभरेस्ट प्रिमियर लिग (ईपीएल) अन्तर्गत शनिबारको पहिलो खेलमा विराटनगर वारियर्सले लगातार चौथो जित दर्ता गरेको छ । अर्को अपराजित टोली भैरहवा ग्लाडीयटर्सलाई ३५ रनले पराजित गर्दै विराटनगर शीर्षस्थानमा कायम रह्यो ।

पहिलो ब्याटिङ गरेको विराटनगरले निर्धारित २० ओभरमा ६ विकेट गुमाउँदै १ सय ४९ रन जोडेको थियो । अन्सुमन रथले ५७ रन जोड्दा बाबर हायातले ३६ रनको योगदान दिए । भैरहवाका हरिशंकर साहले ३ विकेट लिएका थिए ।

जवाफी ब्याटिङमा उत्रिएको भैरहवाले १९ औं ओभरमा अल आउट हुनुअघि १ सय १४ रनमात्र जोड्न सक्यो । प्रदीप ऐरी र हरिशंकर साहले समान १८ रनको योगदान दिएका थिए । विराटनगरका अभिनाश कर्णले ४ र वसन्त रेग्मीले ३ विकेट हात पारे ।

दिनको दोस्रो खेलमा ललितपुर प्याट्रीयट्सले चितवन टाइगर्सको सामना गर्दैछ ।

प्रकाशित : पुस ८, २०७४ १२:३४
पूरा पढ्नुहोस्
प्रतिक्रिया
पठाउनुहोस्