अतिक्रमित घरटहरा हटाइँदै

नगरपालिका प्रमुख सुरेश अधिकारीले अतिक्रमणका कारण सडक साँघुरो भएपछि घरटहरा हटाउन थालिएको जानकारी दिए । अतिक्रमित घरटहराका कारण बजार प्रदूषित बन्दै गएको उनको भनाइ छ । त्यस्ता संरचना भत्काउन उद्योग वाणिज्य संघ, नगर विकास समिति, वन कार्यालय प्रतिनिधि सम्मिलित समिति बनाइएको नगरपालिकाले जनाएको छ । श्रीनगर बसपार्क आसपासका घुम्ती पसल १५ दिनभित्रै हटाइने र अन्य संरचना पनि बिस्तारै हटाउँदै जाने नगरपालिका स्रोतले जनायो ।

नगरका निमित्त कार्यकारी अधिकृत सुवर्णसिं ठकुरीले शान्तिनगर र श्रीनगरमा मात्रै झन्डै ४ सयभन्दा बढी रोपनी जग्गा अतिक्रमण गरिएको बताए ।