प्रहरी 'ईन्काउन्टर'मा एक युवकको मृत्यु

श्रावण २३, २०७४दिपेन्द्र विष्ट

काठमाडौं — ललितपुरको कुसुन्तीमा प्रहरीको गोली लागि एक युवकको मृत्यु भएको छ । प्रहरीको गोली लागि कुसुन्ती–१३ का प्रविण खत्रीको ज्यान गएको हो । लागू औषध र अवैध हतियारको कारोबारी भएको आशंकामा खानतलासी गर्न महानगरिय प्रहरी अपराध महाशाखा टेकुको टोली उनको घर पुगेको थियो ।

ललितपुरको कुसुन्तीमा प्रहरीको गोली लागि एक युवकको मृत्यु भएको छ । प्रहरीको गोली लागि कुसुन्ती–१३ का प्रविण खत्रीको ज्यान गएको हो ।

लागू औषध र अवैध हतियारको कारोबारी भएको आशंकामा खानतलासी गर्न महानगरिय प्रहरी अपराध महाशाखा टेकुको टोली उनको घर पुगेको थियो ।

प्रहरीले घर घेराउ गरेको थाहा पाएपछि खत्री दुई हातमा पेस्तोल बोकेका कौशीबाट हाम्फालेर भाग्न खोजेको अपराध महाशाखाका प्रवक्ता प्रकाशजंग कार्कीले बताए ।

‘खत्री गोली हान्दै कौशीबाट हाम्फालेर भाग्न खोजे । हाम्रो तर्फबाट पनि फायरिङ भयो’, उनले भने,‘हामीले फायरिङ गर्दा घाइते भएका खत्रीको उपचारको क्रममा पाटन अस्पतालमा ज्यान गयो ।’